جمهور باشقانی اردوغانین باکی گؤروش‌لری

جمهور باشقانی رجب طیب اردوغان باکی-تفلیس-قارص دمیریولو خطی‌نین چین-ین پایتاختی پکن ایله اینگیلتره‌نین پایتاختی لندن-ی بیر-بیرینه باغلادیغینی قئید ائتدی.

837998
جمهور باشقانی اردوغانین باکی گؤروش‌لری

جمهور باشقانی رجب طیب اردوغان باکی-تفلیس-قارص دمیریولو خطی‌نین چین-ین پایتاختی پکن ایله اینگیلتره‌نین پایتاختی لندن-ی بیر-بیرینه باغلادیغینی قئید ائتدی.

جمهور باشقانی رجب طیب اردوغان آذربایجانا سفری‌نین ایکینجی گونونده آذربایجان پرزیدنتی ایلهام علی یف ایله  زاقولبا ایقامتگاهیندا گئرچک‌لشن رسمی مراسیم‌دن سونرا تکبتک گؤروشدو.

گؤروشده اؤلکه‌لر آراسیندا دوستلوق و قارداش‌لیق موناسیبت‌لری‌نین بوتون ساحه‌لرده اوغورلو اینکیشافین‌دان ممنونلوق ایفاده ائدیلدی. آذربایجان-تورکیه یوکسک سویه‌لی استراتژی امکداش‌لیق شوراسی‌نین آلتینجی ایجلاسی‌نین علاقه‌لرین پرسپکتیو‌لری‌نین معینلشدیریلمه‌سی و ایکی طرف‌لی موناسیبت‌لرین داها دا درینلشدیریلمه‌سی باخیمین‌دان اؤنمی وورغولاندی. گلوبال لاییحه اولان باکی-تفلیس-قارص دمیر یولونون آچیلیشی‌نین اهمیتی قئید ائدیلدی.

صحبت زامانی اؤلکه‌لریمیز آراسیندا قارشی‌لیق‌لی ماراق دوغوران مسئله‌لر اطرافیندا فیکیر موبادیله‌سی آپاریلدی.

سونرا اردوغان یوکسک سویه‌لی استراتژی امکداش‌لیق شوراسی‌نین ایجلاسیندا ایشتیراک ائده‌رک، اورادا چیخیش ائتدی.

جمهور باشقانی اردوغان چیخیشینا آذربایجانا گلدیک‌لری آندان اعتباراً گؤستریلن قوناق‌پرورلیگه گؤره اؤزونون و نماینده هئیتی‌نین آدین‌دان تشککور ائده‌رک باشلادی.

دونن و بو گون کئچیریلمیش گؤروش‌لر تورکیه و آذربایجان آراسینداکی قارداشلیغین و دوستلوغون نه قدر یوکسک بیر سویه‌یه چیخدیغینی هیجانلا موشاهیده ائتدیک‌لرینی بیل‌دیرن اردوغان:"باکی-تفلیس-قارص دمیریول خطی‌نین آچیلیشی قورور وئریجی حادثه‌دیر. آرتیق خالق‌لاریمیزین تک قارص‌دان باکییا دئییل، پکینه و لندنه قدر گئتدیگی گون‌لری گؤرریک"دئدی.

آذربایجان-تورکیه یوکسک سویه‌لی استراتژی امکداش‌لیق شوراسی‌نین آلتینجی ایجلاسی مطبوعاتا قاپا‌لی شکیلده کئچیریلدی

ایجلاسدا تورکیه خاریجی ایشلر ناظری مؤلود چاووش اوغلو، ایقتیصادیات ناظیری نیهات زئیبکجی، انرژی و طبیعی ثروتلر ناظیری برات آلبایراک، میللی تحصیل ناظیری عصمت ییلماز، میللی مدافعه ناظیری نورالدین جانیکلی، نقلیات دنیزچی‌لیک و خبرلشمه ناظیری احمد آرسلان، میت رهبری هاکان فیدان و جمهور باشقانی سوزچوسوابراهیم کالین دا ایشتیراک ائتدی‌لر.



ایلگیلی‌لی خبرلر