ایبراهیم قالین: آمریکا ایله ویزا بحرانی‌نین قیسا مدت سونرا حلّ اولاجاق

دانیشان قالین، ویزا بحرانی ایله علاقه‌دار اولا‌راق اوّلکی گون پایتخت آنکارایا گلن آمریکا نماینده هیاتی ایله دانیشیق‌لارین داوام ائتدیگینی و یاخشی ایستیقامتده ایرلیلدیگینی بیلدیریب

ایبراهیم قالین: آمریکا ایله ویزا بحرانی‌نین قیسا مدت سونرا حلّ اولاجاق

تورکیه پرزیدنتی سؤزچوسو ایبراهیم قالین، آمریکا ایله ویزا بحرانی‌نین قیسا مدت سونرا حل ائدیلمیش اولاجاغینی دئییب.

ایستانبولدا کئچیریلن TRT World، فورومون آچیلیش مراسیمینده دانیشان قالین، ویزا بحرانی ایله علاقه‌دار اولا‌راق اوّلکی گون پایتخت آنکارایا گلن آمریکا نماینده هیاتی ایله دانیشیق‌لارین داوام ائتدیگینی و یاخشی ایستیقامتده ایرلیلدیگینی بیلدیریب.

آیرینتیلارین بیر نئچه گون عرضینده آیدینلاشاجاغینی ایفاده ائدن قالین، یاخین پرسپکتیوده ویزا پروبلمی‌نین حل ائدیله‌جگینه ایناندیغی قید ائدیب.

تورکیه‌نین بو ایشین حلّینه طرفدار اولدوغونو بلیرتن ایبراهیم قالین،

"اما گلن هیات بو ایشی بیتیرمک اوچون مسئولیت وئریلمیش نماینده هیاتی دئییل، بیزیم فیکیرلریمیزی واشینگتونا آپارا‌جاق. ایکی اؤلکه ایچ ایشلر، خاریجی ایشلر و عدلیه ناظیرلیک‌لری آراسیندا داها ساغلام معلومات موبادیله‌سی تامین اولونماسی طلب اولونور، کونسولئر ایرتیباط تامین اولونماسیندا راضی‌لیق تامین اولونور". دئیه دانیشدی.

ویزا بحرانینی حلّ ائتمک اوچون آمریکادان خاریجی ایشلر ناظیرلیگی موشاویر کؤمکچی‌سی جوناتان کون باشچیلیغیندا بیر هیات آنکارایا گلیب.

خاریجی ایشلر ناظیرلیگینده کئچیریلن توپلانتیدا تورک طرفینده ایسه، خاریجی ایشلر ناظیرلیگی موشاویر معاوینی‌نین یاناشی، عدلیه و ایچ ایشلر ناظیرلیگی موشاویر کؤمکچی‌سی یئر آلدی.



ایلگیلی‌لی خبرلر