رجب طیب اردوغان و دؤولت رسمی‌لری آنیت قبیری زیارت ائتدی‌لر
30 آوقوست ظفر بایرامی‌نین 95-جی ایلدؤنومو بوتون تورکیه‌ده جوشکو ایله قئید اولونور.
30 آوقوست ظفر بایرامی‌نین 95-جی ایلدؤنومو بوتون تورکیه‌ده جوشکو ایله قئید اولونور.
آنکارا‌داکی تدبیرلرین ایلک آدرسی آنیت قبیر اولدو.
دؤولت آدام‌لاری آتاتورکون ماوزولئگینه گئده‌رک گل دسته‌سی قویدولار.
جمهور باشقانی رجب طیب اردوغان ماوزولئگین خاطره کیتابینا اورک سؤزلرینی یازدی.
اردوغان یازی‌سیندا 15 ژوئیه گئجه‌سی خالقین گؤستردیگی مقاومتی قئید ائده‌رک، بون‌لاری یازدی: "عزیز آتاتورک، بؤیوک غلبه‌نین 95-جی ایلدؤنومونو بیر داها فخرله قئید ائدیریک، قورتولوش ساواشیمیزین اوغورلا بیتمه‌سی‌نین مژده‌چی‌سی اولان بو تاریخی غلبه‌نی مالازگیرت‌دن گونوموزه قدر اوزانان چتین موباریزه زنجیری‌نین چوخ اهمیت‌لی بیر حلقه سی اولاراق گؤروروک. 30 آوقوستدا قازاندیغیمیز غلبه‌دن آلدیغیمیز گوجله جمهوریتیمیزی قورارکن مقصدیمیز معاصر مدنیت سویه‌سینه چاتماق ایدی. تورکیه هدف‌لری ایستیقامتینده یولونا داوام ائدیر. 15 ژوئیه گئجه‌سی نوماییش اولونان قهرمان مقاومت اؤلکه‌میزین اقتصادی و سیاسی موستقیل‌لیگینه قارشی بوتون هوجوم‌لاری دفع ائتمه ایستیقامتیندکی عزمینی اورتایا قویدو. سیزین، عزیز شهیدلریمیزین و قهرمان غازی‌لریمیزین بیزه امانتی اولان بو وطنه جانیمیز باهاسینا صاحب چیخماغا داوام ائدجییک. روحونوز شاد اولسون".
