جمهور باشقانی اردوغان امریکا مدافعه ناظیری جیمز متیسی قبول ائتدی

جمهورباشقانی رجب طیب اردوغان آنکارادا سفرده اولان آمریکا-نین مدافعه ناظیری جیمز متیسی قبول ائتدی.

قبولدا ایکی  طرف‌لی وبولگه سل مؤضوع‌لار موذاکیره اولوندو.

جمهور باشقانی رجب طیب اردوغان تورکیه-نین بولوجو ترور تشکیلاتی پ.کا.کا-نین سوریه-ده کی قولو PYD/YPG-یه دستک وئریلمه سیندن دویگوغو ناراحاتلیغینی امریکا مدافعه ناظیری جیمز متیسه بیلدیردی.

گوروشده داعش و پ.کا.کا باشدا اولماقلا ترور تشکیلات‌لاری ایله بیرگه موباریزه ایله یاناشی سوریه و عراق-ین تورپاق بوتؤو‌لوگونون قورونماسی‌نین واجیب‌لیگی وورغولاندی.

جمهور باشقانی رجب طیب اردوغان سوریه-ده ترور تشکیلاتی PYD/YPG-یه امریکا طرفیندن دستک وئریلمه سیندن دویگوغو ناراحاتلیغینی بیر داها وورغولادی.

داعش-دن تمیزلنن یاشاییش یئرلرینده ایداره‌نین یئرلی خالقا بوراخیلماسی‌نین واجیب‌لیگینه دقت چکن جمهورباشقانی اردوغان، سوریه-ده ساواشین اولمادیغی بؤلگه‌لر یاراتماغی هدف گؤتورن مکانیزمین دستکلنمه‌سی‌نین داشیدیغی اهمیتی ده دیله گتیردی.  

جمهورباشقانی اردوغان، عراق کورد بولگه سل رهبرلیگی‌نین سپتامبرین 25-ده کئچیرمه‌یی پلانلاشدیردیغی رفرندومون سهو آددیم اولاجاغینی قوناق ناظیره بیلدیردی.

گوروشده، قندیل-ده و سینجارداکی پ.کا.کا عنصورلرینه قارشی بیرگه موباریزه‌نین، مدافعه صنایعسی ساحه‌سینده امکداشلیق موذاکیره اولوندو، تورکیه و آمریکانین ایستراتژی طرفداش‌لیق‌لاری‌نین و ناتو-دا ایکی اؤنملی موتتفیق اولدوق‌لاری‌ وورغولاندی.