آوروپا بیرلیگی صدری استونی‌نین باش ناظیری یوری راتاس تورکیه‌ده

باش ناظیر ییل‌دیریم، راتاس‌ی چانکایا کؤشکونده رسمی مراسیمله قارشیلادی

791148
آوروپا بیرلیگی صدری استونی‌نین باش ناظیری یوری راتاس تورکیه‌ده

تورکیه باش ناظیر بینا‌لی ییل‌دیریم، رسمی زیارت اوچون تورکیه‌ده اولان آوروپا بیرلیگی صدری استونی‌نین باش ناظیری یوری راتاس ایله گؤروشدو.

باش ناظیر ییل‌دیریم، راتاس‌ی چانکایا کؤشکونده رسمی مراسیمله قارشیلادی.

باش-باشا و هیاتلرآراسی گؤروش ائدن ایکی باش ناظیر، ایکیطرف‌لی علاقه‌لر و تورکیه-آوروپا بیرلیگی علاقه‌لری‌نین یانیندا بؤلگه‌سل و اولوسلار آراسی مسئله‌لر عذره آکتوال اینکیشاف‌لاری اله آلدی.

داها سونرا تشکیل ائدیلن اورتاق مطبوعات کونفرانسیندا، بینا‌لی ییل‌دیریم، بیر تورک شیرکتی‌نین استونی‌یه سرمایه ائدجگینی آچیقلایان ییل‌دیریم گله‌جک ایللرده ایکی اؤلکه آراسین‌داکی تیجارت حجمینین اینکیشاف ائدجگینی دوشوندوگونو ایضاح ائتدی.

ماسا‌داکی ان اهمیت‌لی موضوعنون کؤچ مسئله‌سی اولدوغونو سؤیله‌ین قوناق باش ناظیر راتاس دا،

"آنکارادا اولا بیلمک سون درجه بؤیوک خوشبخت‌لیک. استونی موستقیل‌لیگینی قازاندیق‌دان سونرا اهمیت‌لی بیر اینکیشاف آددیمینی آتدی. استونی و تورکیه‌نین سون درجه یاخشی و دوستلوق علاقه‌لری وار. ناتو-دا ایکی موتتفیق اولا‌راق داوام ائدیریک. بو گون کؤچ موضوعسونو اله آلدیق. آوروپا بیرلیگی اوچون چوخ اهمیت‌لی بیر ساحه‌ده اولماغا داوام ائدیر. تورکیه قاچقین‌لارا ائو صاحب‌لیگی ائدیر. غازی آنتپ نیزیپ‌دکی کونتینر شهرینی زیارت ائتدیم. بورادا ایشلری یئرینده گؤرموش اولدوم. آتیلان آددیم‌لار حقیقتن سون درجه تأثیر ائدیجی. قلوبال تروریزمله موباریزه‌ده بو معنادا تورکیه‌نین سون درجه قاتقی‌سی وار. چوخ یاخین امکداشلیغا احتیاج دویدوغوموزو ایفاده ائتمک ایستییرم. استونی بو معنادا آوروپا بیرلیگینین گئنیشلنمه سیاستینی دستکله‌ین اؤلکه‌لردن بیر دنه‌سی. تورکیه بو معنادا داها یاخین بیر امکداش‌لیغی حیاتا کئچیرمک ایستییریک. " دئدی.

تورکیه ایله آوروپا بیرلیگی آراسیندا گؤچمن‌لر اوچون اؤدنمه‌سی سؤزو وئریلن 3 میلیارد یورونون سوروشولماسی اوزرینه راتاس،

"بونون 800 میلیونونو تامین ائتمیشیک" دئدی.



ایلگیلی‌لی خبرلر