آنکارا-دا عالی حربی شورانین توپلانتیسی باشا چاتدی

باش ناظیر بینالی ییلدیریمین باشچیلیغیندا کئچیریلن عالی حربی شورا توپلانتی‌سی باشا چاتدی.

782564
آنکارا-دا عالی حربی شورانین توپلانتیسی باشا چاتدی

باش ناظیر بینالی ییلدیریمین باشچیلیغیندا کئچیریلن عالی حربی شورا توپلانتی‌سی باشا چاتدی.

شورانین عضو‌لری اول آنیت قبیری زیارت ائتدی.

باش ناظیر ییلدیریم آنیت قبیری زیارت ائده‌رک دسته گل قویدو و خاطره دفترینه بون‌لاری یازدی: گوج‌لو تمل‌لر اوزرینده میراث قویدوغونوز جمهوریتی معاصر مدنیت‌لر هدفینه چات‌دیرماق اوچون قرارلی شکیلده ایشلمه‌یه داوام ائدیریک. داها رفاه، داها تهلوکه‌سیز، داها عدالت‌لی، داها آزاد بیر تورکیه ان اؤنم‌لی هدفیمیزدیر. شهید قان‌لاری‌نین آخیدیلدیغی بو وطن تورپاق‌لارینی عینی عزم و قرارلی‌لیقلا قوروماق، گله‌جک نسیل‌لره امانت ائتمه اینانجیمیز هر زامان اولدوغون‌دان داها گوج‌لودور.

شورا عضو‌لری‌نین توپلانتی‌سی چانکایا کؤشکونون سالونوندا یئرلی واختلا ساعت 11.15-ده باشلادی.

باش ناظیر ییلدیریم ییغینجاغی آچیق اعلان ائدرکن دئدی کی، تورکیه جوغرافیاسی باخیمین‌دان اهمیت‌لی سیاسی، اجتماعی، تهلوکه‌سیزلیک حادثه‌لری‌نین جریان ائتدیگی بیر بؤلگه‌نین مرکزینده یئرلشیر. بو چتین جوغرافیادا تهلوکسیزلیگی میزه ایستیقامتلی داخیلی و خاریجی تهدیدلر وار.

15 ژوئیه خاین چئوریلیش جهدی ایله بیرلیکده ترور تشکیلات‌لاری ایله یاناشی فتح الله چی ترور تشکیلاتی پارالل دؤولت یاپیلانماسی (فتو/پ.د.ی) ده موباریزه آپاریلماسی واجیب اولان اونملی مؤضوعلار سیراسینا داخیل اولدو. حال-حاضیردا تورکیه اوچ ترور تشکیلاتی ایله عینی آندا موباریزه‌سینی داوام ائتدیریر. بون‌لار پ.کا.کا، فتو/ پ.د.ی و داعش-دیر. خصوصیله سون بیر ایلدیر موباریزه‌میز داها اوغورلو شکیلده داوام ائتدیریلیر. خصوصیله کئچن ایل آوقوست آیی‌نین اولینده قرار وئردیگیمیز هوجوم مقصدلی موباریزه استراتژیسی و تورک سلاح‌لی قوه‌لری ایله دیگر تهلوکه‌سیزلیک قوه‌لریمیزین تام بیر کووردیناسیون ایچری‌سینده کئچیردیک‌لری عملیات‌لاردان ایستنیلن نتیجه الده ائدیلدی و پ.کا.کا ایله موباریزه‌ده چوخ اؤنم‌لی آددیم‌لار آتیلدی.

باش ناظیر ییلدیریم سون دؤورده گنج‌لرین داغا چیخیش‌لاری‌نین اهمیت‌لی سویه‌ده آزالدیغینا دقت چکه‌رک، ترورا دستک وئرن یئرلی ایدارچی‌لرین وظیفه‌لرین‌دن کنارلاشدیریلدیق‌لارینی و اونلارلا علاقه‌لی محکمه پروسه‌سی‌نین باشلادیلدیغینی سؤیله‌دی. "دیگر طرف‌دن بولوجو ترور تشکیلاتینا سیاسی باخیم‌دان دستک اولان‌لارا قارشی حقوقی پروسئس تورکیه بؤیوک میللت مجلیسینده توخونولمازلیق‌لار قالدیریلدیق‌دان سونرا سرعت قازاندی و بو ساحه‌ده الده ائدیلن نتیجه دقت‌لری جلب ائدیر"- دئیه باش ناظیر وورغولادی.  

باش ناظیر ییلدیریم تورکیه‌نی ماراقلان‌دیران ایچ و خاریجی تهدیدلرین هله داوام ائتدیگینی، یونانیستان ایله اژه ده کی آدا‌لار مؤضوعسو، قیبریس مسئله‌سی، شیما‌لی عراق-دا رفرندوم دوشونجه‌سی، سوریه-نین گلجیی کیمی مؤضوع لارین یاخین پرسپکتیوده تورکیه‌نی مشغول ائتمه‌یه داوام ائده‌جک پروبلئم‌لردن یالنیز بیر نئچه‌سی اولدوغونو بیلدیردی.

کؤرفز بحرانی، شیما‌لی کره –ده کی دوروم، آوروپا بیرلیگی-تورکیه علاقه‌لری، یمن، لیبی، فیلیسطین-ایسرائیل مسئله‌لری‌نین ده بولگه سل و قلوبال پروبلئم‌لر اولا‌راق اؤنوموزدکی پروسئسده پتانسیل ریسک‌لر اولا‌راق مؤجودلوغونو داوام ائتدیرجگینی وورغولایان باش ناظیر اونو دا دئدی کی، بوتون بو چتین شرایطده رئاللاشدیردیغیمیز آنایاسا  دییشیک‌لیگی ایله 94 ایللیک رهبرلیک عنعنه‌میزده کؤک‌لو دییشیک‌لیک ائدیلدی. پارلامنت سیستمین‌دن پرزیدنت حکومت سیستمینه کئچید اولا‌راق آدلان‌دیران بو دییشیک‌لیک اؤلکه‌میزین گله‌جک ایللری اوچون ثابت‌لیک و گوون باخیمین‌دان ضمانتی اولا‌جاق‌دیر. یئنی سیستم اونیتار قورولوشو داها دا گوجلندیردی. بو دییشیک‌لیک اؤلکه‌میزین اولدوغو چتین جوغرافیادا قارشی‌لاشا بیله‌جگی کریتیک ایچ و خاریجی گلیشمه لره قارشی آلا بیلمک اوچون چوخ اهمیت‌لی ایمکان یاراتمیش‌دیر. هدفیمیز قاضی مصطفی کمال-ین ایشاره ائتدیگی معاصر مدنیت‌لر سویه‌سی‌نین داها دا ایره لیسیدیر.

عالی حربی شورانین ییغینجاغیندا قبول ائدیلن قرارلارین جمهور باشقانی رجب طیب اردوغانین تصدیق ائتمه‌سین‌دن سونرا ایجتیمایته اعلان ائدیلمه‌سی گؤزلنیلیر.

میللی مدافعه ناظیری‌نین تکلیفی، باش ناظیرین ایمضاسی و جمهور باشقانی‌نین تصدیق ائتمه‌سی ایله معینلش‌دیریلن اوردو قوموتانلیقلاریندا وظیفه مدتی باشا چاتیر. قورو قوشون‌لار قوموتانی ژنرال صالح زکی چولاک، دنیز قوه‌لری قوموتانی اورادمیرال بولنت بوستان اوغلو و هاوا قوه‌لری قوموتانی ژنرال عابدین اونالین وضعیتی شورا ییغینجاغین‌داکی آتاما و وظیفه‌ده یوکسلمه قرارلاری ایله معین ائدیله‌جک. مؤجود قانون وظیفه مدتی باشا چاتان اوردو قوموتانلارینین وظیفه مدت‌لری‌نین اوزادیلماسینا ایمکان وئریر.



ایلگیلی‌لی خبرلر