تورکیه، یونانیستانی قینادی
یازی‌لی آچیقلامادا، اسکندرون لیمانین‌دان ایزمیت لیمانینا حرکت حالین‌داکی تورک بایراق‌لی M/V ACT آدلی قورو یوک گمی‌سینه، رودوس آداسی ساحیل‌لرینده سئیر حالیندایکن یونان ساحیل امنیت بوتو طرفین‌دن آتش آچیلدیغی اؤیرنیلدیگی ایفاده ائدیلدی
تورکیه، یونانیستان ساحل امنیتینه باغلی نیظامی بوت‌لاردان اژه دنیزین‌دکی بیر تورک تیجاری گمی‌سینه سالدیری آتشی آچیلماسینی پیسله‌ییب.
خاریجی ایشلر ناظیرلیگین‌دن ائدیلن یازی‌لی آچیقلامادا، اسکندرون لیمانین‌دان ایزمیت لیمانینا حرکت حالین‌داکی تورک بایراق‌لی M/V ACT آدلی قورو یوک گمی‌سینه، رودوس آداسی ساحیل‌لرینده سئیر حالیندایکن یونان ساحیل امنیت بوتو طرفین‌دن آتش آچیلدیغی اؤیرنیلدیگی ایفاده ائدیلدی.
آچیقلامادا، بو ایفاده‌لره یئر وئریلدی:
"ایکی تورک لیمانی آراسیندا یوک داشییان تیجاری و بو سبب‌دن سیلاح‌سیز بیر گمییه هانسی سببله اولورسا اولسون آتش آچیلماسی‌نین هئچ بیر شکیلده ایضاحی یوخ‌دور. تک تسللیمیز، حادثه‌ده جان ایتکی‌سی و یا یارالانما میدانا گلممیش اولماسی‌دیر. بو منفور حادثه‌ده یونان مقام‌لاری‌نین ان اساسی حاق اولان اینسان حیاتینی هئچه سایان اؤلچوسوز حرکتینی قوتله قیناییر و بنزری بیر حادثه‌نین بیر داها تکرارلانماماسی بکلنتیمیزی بین الخالق توپلوما پایلاشماغی لازیم‌لی تاپیریق. "
میلی ساوونما ناظیری فیکری ایشیق دا، یونانیستان ساحیل امنیتی بوتونون تورک یوک گمی‌سینه آتش آچماسی علاقه‌دار،
"بین الخالق سولاردا سئیر بیر تیجاری گمییه آتش آچیلماسی‌نین عقللا، منتیقله، ایزانلا ایضاحی اولماز. بو، عقل توتولماسی." دئدی.
تورک قورو یوک گمی‌سی، اژه دنیزینده رودوس آداسی ساحیل‌لرینده سئیر حالیندایکن یونان ساحیل امنیتی بوتو طرفین‌دن هدف آلینمیشدی.
تورک گمی‌سینه آچیلان آتشده، اؤلن یا دا یارا‌لانان اولمامیشدی.
تورک ساحیل امنیتی، ایکی نیظامی بوتو حادثه یئرینه گؤندرمیشدی.
ایلگیلی‌لی خبرلر
تورکیه‌نین جمعیتی آچیقلاندی
تورکیه استاتیستیک قورومو «آدرسه دایالی جمعیت ثبت سیستمی ۲۰۲۲ نتیجه‌لری»نی آچیقلادی
