تورکیهدن آمریکایا تپکی
"عجله ایله سس وئریلهرک قبول ائدیلن بو لایحهنی رد ائدیریک"
تورکیه، آمریکا نمایندهلر مجلیسینده پرزیدنت رجب طیب اردوغانین بو اؤلکهیه سفری زامانی واشنگتن ائلچیلیگی قارشیسیندا یاشانان حادثهلری قینایان بیر قرار لاییهسینین قبول ائدیلمهسینه رئاکسیا گؤستردی.
خاریجی ایشلر باخانلیغی، لایحهنی "حقیقتلری چارپیتان و یانلی بیر لایحه" اولاراق دگرلندیردی.
باخانلیق سؤزچوسو ائلچی حسین موفتواوغلو یاییملادیغی یازیلی آچیقلامادا،
"عجله ایله سس وئریلهرک قبول ائدیلن بو لایحهنی رد ائدیریک" دئدی.
اردوغانین آمریکا سفری زامانی تورکیهنین واشنگتن ائلچیلیگی قارشیسیندا یاشانان حادثهنین، ائدیلن ساییسیز رسمی اویارییا باخمایاراق آمریکا مقاملارینین لازیم گوونلیک تدبیرلری آلمامالاریندان قایناقلاندیغینی وورغولایان موفتواوغلو،
"آمریکا مقاملارینین سفرین دیگر مرحلهلرینده آلدیقلاری ساغلام گوونلیک تدبیرلرینی ندن ائلچیلیک قارشیسیندا آلمادیقلاری سوالینین جاوابی یوخدور" دئیه یازدی.
موفتواوغلو، بونون یاشانماسینا یول آچان آشیری و سالدیرقان داورانیشلارین ایضاحینین دا ائدیلمهدیگینی ایفاده ائتدی.
حسین موفتواوغلو،
"قونونو فرقلی بیر یئره چئکمه مقصدیله آمریکا نمایندهلر مجلسینده گوندمه گتیریلن بو گیریشیمین یاساما پروسهسی ایچینده آپاریلماسی، مسئلهنین تحلیل ائدیلمهسینه کؤمک ائدهجک. بیز، یاخیندان ایزلمهیه داوام ائدجییمیز بو خصوصداکی گلیشمهلرین، وئریملی گئچدیگینی دگرلندیردیگیمیز سفری کؤلگهلهممهسی یولونداکی اومودوموزو محافظه ائتمک ایستییریک" دئدی.