نومان کورتولموش، عدالت، گلیر داغیلیمی و وارلیغی حاقلیجا اولمالیدیر
کورتولموش، "ایسلام اؤلکهلری مالیه ذیروهسی"نین آچیلیشیندا، ایستانبولون تورکیهنین اینکیشافینا پارالل شکیلده اهمیتلی بیر مالیه مرکزی حالینا گلهجگینی، بو هدفین، حکومتین 2023-گؤرونتوسونون بو چرچیوهده آلینمیش قرارلاریندان بیری اولدوغونو ایضاح ائتدی
باش ناظیر کؤمکچیسی نومان کورتولموش، عدالت، گلیر داغیلیمی و وارلیغی حاقلیجا پایلاشیمی اساس آلمایان بیر ایقتیصادی نیظامین یاشایابیلمیهجگینی سؤیلهدی.
کورتولموش،
"ایسلام اؤلکهلری عدالته سؤیکنن، وارلیغین حاق طرفیندن پایلاشیلدیغی بیر ایقتیصادی نیظام اوزرینده آغیرلیق وئرمک، موجود وضعیتده وار اولان بیر سیرا عدالتسیزلیکلری آرادان قالدیرماق اوچون سوسیال سیاست تدبیرلرینی اینکیشاف ائتدیرهجک یئنی آددیملاری اورتایا قویماق، ایقتیصاد-اخلاق علاقهسینی قورماق و اخلاقی تمللر اوزرینده بیر ایقتیصادی سیستمی تیکمک مجبوریتینده." دئدی.
کورتولموش، "ایسلام اؤلکهلری مالیه ذیروهسی"نین آچیلیشیندا، ایستانبولون تورکیهنین اینکیشافینا پارالل شکیلده اهمیتلی بیر مالیه مرکزی حالینا گلهجگینی، بو هدفین، حکومتین 2023-گؤرونتوسونون بو چرچیوهده آلینمیش قرارلاریندان بیری اولدوغونو ایضاح ائتدی.
ایسلام اؤلکهلری آراسیندا مختلیف ساحهلرده امکداشلیق اولدوغونو، زامان زامان بو ایش بیرلیکلرینه اینکیشافلار یازیلدیغینی آنجاق مال و دگرلی اشیا آلیمیندان قارشیلیقلی تیجارته، مرز آشان بعضی تلاشلاردان تحصیل و مدنیت ساحهسیندکی یاردیملاشما و ایش بیرلیکلرینه باخیلدیغیندا ایسلام اؤلکهلرینین چوخ دا ایستنیلن سویهده ایقتیصادی و سیاسی علاقهلر گئلیشدیرمدیغینین گؤرولدوگونو کؤچورن کورتولموش، ایجلاسین، خصوصیله ایسلامی مالی ساحهسینده ایسلام اؤلکهلری آراسیندا دا ایش بیرلیگینی تامین ائدهجک بیر توپلانتی اولماسینی اومید ائتدیگینی سؤیلهدی.
دونیانین موجود نظمله داوام ائده بیلمیهجگینی دیله گتیرن کورتولموش، بونلاری سؤیلهدی:
"دونیادا گوجو الینده بولوندورانلار، ایستدیکلری قدر سیلاح گوجو ایله، سیاسی گوجلریله بو قورولوشو داوام ائتدیرمهیه داوام ائتسینلر، بو قورولوش داوام ائتمز. دونیادا بو قدر بؤیوک نعمتلر وارکن، بو نعمتلرین بو قدر غیری عدالتلی بیر شکیلده داغیلدیغی قلوبال ایقتیصادی سیستمی، اوّل یئر اوزوندکی نعمتلری پایلاشماق نقطهسینده گؤزدن کئچیرمک مجبوریتیندییک. عدالت، یالنیز محکمه قاپیلاریندا گؤرولن، عدالت سارایلارینین قاپیسیندا یازان بیر شئی دئییل. عدالت ان باشدا اینسانلارین، اینسانلیق عالمینین هامیسینین هر کسه چوخ چاتاجاق بو نعمتلردن داها یاخشی ایستیفاده ائده بیلهجگی بیر ایقتیصادی یاردیم و همرایلیگی طلب ائدیر. "دئدی.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.