تورکیه، آمریکا یؤنه‌تیمی و ایروانا تپکی گؤستردی
خاریجی ایشلر باخانلیغی، تورک میلتی‌نین واراولوشویلا ائش آنلاملی قبول ائدیلن تورک بایراغینا قارشی بو حرکتین بؤیوک انفعال و تپکی ایله قارشیلاندیغینی قید ائتدی
تورکیه، آمریکا رهبرلیگینی ارمنی دیاسپورونون، نیفرت دولو سؤیلملرینه قارشی دقت‌لی اولماغا چاغیردی.
خاریجی ایشلر باخانلیغی، دونالد ترامپین، 1915.جی ایلده‌کی ارمنی تهجیری اوچون، "بؤیوک فاجعه" ایفاده‌سینی قوللانماسینا تپکی گؤستردی.
باخانلیق، باشقان ترامپین "1915 حادثه‌لری" حاقیندا یاییملادیغی یازی‌لی آچیقلاماداکی یانلیش بیلگی و تانیملامالارین، ارمنی چئوره‌لرین اولوشدوردوغو بیلگی چیرکلیلیگین‌دن قایناقلاندیغینی ایفاده ائتدی.
خاریجی ایشلر باخانلیغی آچیقلاماسیندا؛
"یئنی آمریکا یؤنه‌تیمیندن شدت اگیلیم‌لری و نیفرت سؤیلم‌لری ایله تانینان بو چئوره‌لرین تک طرف‌لی تاریخ آنلاتی‌لارینا اعتبار ائتممه‌سینی و بوتون طرف‌لرین آجی‌لارینی نظره آلان بیر یاناشیم منیمسمه‌سینی گؤزله‌ییریک" ایفاده‌سینه یئر وئریلدی.
بیرینجی دونیا ساواشی دؤورونده حیاتینی ایتیرن عثمانلی ارمنیلرینین بو ایل ده، ایستانبول ارمنی پاتریک‌خاناسیندا تشکیل ائدیلن مراسیمله، لاییق اولدوق‌لاری حؤرمته اویغون شکیلده آنیلدیق‌لاری خاطیرلادیلان آچیقلامادا، آیریجا، پرزیدنت رجب طیب اردوغانین، بو مراسیمه یوللادیغی مئساژا وورغو ائدیلدی.
اردوغان او مئساژدا؛
"ارمنی جماعتی‌نین دینج‌لیگی، گوونلیگی و موتلولوغو بیزیم اوچون اؤزل اؤنمه صاجب‌دیر. تک بیر ارمنی وطنداشیمیزین داهی اؤته‌کی‌لشدیریلمه‌سینه، دیشلانماسینا، اؤزونو ایکینجی صینیف حس ائتمه‌سینه تحملوموز یوخ‌دور" دئمیشدی.
اؤته یاندان، ارمنیستانین باشکندی ایرواندا، دونن تشکیل ائدیلن 1915 حادثه‌لری سؤزده ایل‌دؤنومو فعالیت‌لری سیراسیندا تورک بایراغی‌نین یاندیریلدیغی یولون‌داکی خبرلر ده تپکی ایله قارشیلاندی.
خاریجی ایشلر باخانلیغی، تورک میلتی‌نین واراولوشویلا ائش آنلاملی قبول ائدیلن تورک بایراغینا قارشی بو حرکتین بؤیوک انفعال و تپکی ایله قارشیلاندیغینی قید ائتدی.
سؤز قونوسو خاین ائیلم و مسبب‌لری شدتله لعنتلندی.
