باش ناظیر ییلدیریم بلومبرگ تلویزیونونا موصاحیبه وئردی
تورکیهنین باش ناظری بینالی ییلدیریم آوروپانین اؤز دیرلرینی قتله یئتیردیگینی بیلدیردی.
تورکیهنین باش ناظری بینالی ییلدیریم آوروپانین اؤز دیرلرینی قتله یئتیردیگینی بیلدیردی.
تورکیهنین باش ناظیری بینالی ییلدیریم چانکایا کؤشکونده بلومبرگ تلویزیونونا موصاحیبه وئردی.
آوروپا بیرلیگینین تورکیهنین عضولوگو مسئلهسینده صمیمیته دعوت ائدن ییلدیریم:"اول اونلار گلهجک ویزیونونو معین ائتسینلر. تورکیه ایله یول گئتمهیه داوام ائدجکلرمی، ائتمهیهجکلرمی؟ بونو آچیق شکیلده اورتایا قویمالیدیرلار. او قراری گؤرک، اوندان سونرا بیز ده یولوموزو معین ائدریک" دئدی.
آوروپادا تز-تز آوروپا دیرلریندن دانیشیلدیغینی خاطیرلادان ییلدیریم: "آوروپا دیرلرینی قتله یئتیرن سیزسینیز. بیز بو رفرندومدا آوروپا دیرلرینه صاحب چیخدیغینیزی گؤرمهدیک " شکلینده دانیشدی.
تورکیهنین باش ناظیری تورکیه-آمریکا علاقهلرینی دیرلندیرهرک:"آمریکا-نین یئنی رهبرلیگینین کئچمیش دؤورده ائتدیگی سهولره یول وئرمهیهجگینه اومید ائدیریک" دئدی.
وارلیق فوندو حاقیندا دا دانیشان بینالی ییلدیریم وارلیق فوندونون مقصدینین اوزون پرسپکتیولی لاییحهلره بودجهیه یوکلنمهدن دستک وئرمک اولدوغونو بیلدیردی.
2017 -جی ایلده قارشییا 4.4 % بؤیومه مقصدینین قویولدوغونو بیلدیرن ییلدیریم خاریجی یاتیریمجیلارین داها چوخ تورکیهیه گله جگینی وورغولادی.
ایش حیاتینین دوزنلنمهسی مسئلهسینده ده آددیملار آتیلاجاغینی قئید ائدن باش ناظیر هم ایشچینین، هم ده ایش وئرهنین راضی قالاجاقلاری دوزنلهمهلرین اولاجاغینی ایفاده ائتدی.
آلت یاپی سرمایهلرینی سرعتلندیرهجکلرینه ایشاره ائدن ییلدیریم: "تورکیه بو ایل و گلهجک ایللرده دمیر یوللارینا چوخ بؤیوک سرمایهلر قویاجاق. یعنی گلهجک 10 ایل عرضینده 100 میلیارد تورک لیره سی مبلغینده سرمایه یاتیریلاجاق" دئدی.