تورکیهدن روسیایا تپکی
خاریجی ایشلر باخانلیغی، سوریهده ترور هؤرگوتو پ.ی.د/پکاکا ایشغالینداکی بؤلگهلرده یاشانان گلیشمهلر سببیله سون ایکی گون ایچینده روسیانین آنکارا مصلحتگزاری سرگئی پانووا ایکی مئساژ چاتدیردی
تورکیه، آنکاراداکی روس مصلحتگزارینا، سوسیال مئدیادا یئر آلان و روس عسگرلرینی سوریهدهکی پ.ی.د/پکاکا تروریستلری ایله بیر آرادا گؤسترن شکیللرین قبول ائدیلهبیلمز اولدوغونو بیلدیردی.
خاریجی ایشلر باخانلیغی، سوریهده ترور هؤرگوتو پ.ی.د/پکاکا ایشغالینداکی بؤلگهلرده یاشانان گلیشمهلر سببیله سون ایکی گون ایچینده روسیانین آنکارا مصلحتگزاری سرگئی پانووا ایکی مئساژ چاتدیردی.
خاریجی ایشلر باخانلیغی سؤزچوسو ائلچی حسین موفتواوغلو، هفتهلیک مطبوعات کنفرانسیندا، سرحددکی سالدیریدان درحال سونرا دونن روسیا ائلچیلیگی مصلحتگزارینین باخانلیغا دعوت ائدیلدیگینی بیلدیرمیشدی.
موفتواوغلو،
"ائلچییه اؤنجه بو حادثهدن دویدوغوموز جدی راحاتسیزلیق چاتدیریلدی. بونا قارشیلیق وئریلدیگی، بوندان سونرا بنزر حادثهلرین یاشانماماسی اوچون نه لازیمدیرسا ائدیلمهسی گرکدیگی، اگر یاشانسا بونا (ترور هؤرگوتونه) مثلی ایله قارشیلیق وئریلهجگی بیلدیریلدی" دئمیشدی.
قایناقلارا گؤره، موفتواوغلونون دانیشدیغی سیرالاردا، باخانلیق یئتکیلیلری، روس مصلحتگزاری پانوو ایله تماسا گئچهرک، سوسیال مئدیایا اولان شکیللرده روس عسگرلرینین حلبده نوروز قوتلامالارینا قاتیلاراق، اللرینده بؤلوجو ترور هؤرگوتو پکاکانین سوریه قولو ی.پ.گ و ی.پ.ژ سؤزده بایراقلارییلا پوز وئرمهلرینه، حتی بؤلگهدکی روس اوردولارینین قوموتانی اولدوغو بیلدیریلن بیر ژنرال قوتلامالار سیراسیندا قولونا ی.پ.گ آرمی تاخماسینا دایر، تورکیهنین تپکیسینی دیله گتیردی.
روس مصلحتگزارینا،
"پ.ی.د/ی.پ.گیه باغلی توتوموموز روس طرفینجه ده چوخ یاخشی بیلینمکدهدیر. بو سببله بو گؤرونتلر بیزی راحاتسیز ائتمیشدیر" مئساژی وئریلدی.
موفتواوغلو، مطبوعات کنفرانسیندا، تورکیهنین روسیادان موسکواداکی پ.ی.د/پکاکا افیسینی باغلاماسینی ایستدیگینی ده یئنهلهمیشدی.
میلی ساوونما باخانی فیکری ایشیق دا، سوریهدهکی روس عسگرینین ی.پ.گ آرمی تاخماسییلا ایلگیلی،
"ی.پ.گ ایله آمریکا و روسیانین امکداشلیق ائتمهسینی تورکیه اولاراق هئچ بیر شکیلده قبول ائتمیریک" دئدی.