باش ناظیر ییلدیریم آوروپایا خبردارلیق ائتدی

باش ناظیر بینالی ییلدیریم آرتیق آوروپا بئله سیاستینی تورکیه‌یه گؤره ایستیقامتلندیردیگینی سؤیله‌دی.

باش ناظیر چانکیری شهرینده خالقا خطابن ائتدیگی چیخیشدا هلند-ده دونن کئچیریلن پارلامئنت سئچیملرینه توخونا‌راق دئدی کی، تورکیه بو سئچیملری ده قایدایا قویدو. اؤلکه‌میز داها بیر مدت آوروپا-دا عرقچی لیگه مانع اولدو. لاکین آغلینیزی باشینیزا ییغین، بو خصمانه سیاست‌لر ایسلام، تورک دوشمنچی‌لیگی، ایسلام قورخوسو سیزی دوغرو ایستیقامته آپارماز.

بعضی اؤلکه‌لرین "آوروپا دیرلری، آزادلیق، اینسان حاق‌لاری" دئدیگینی، اما اونلارین گئرچک اوزونون بیر هفته ایچینده گؤرولدوگونو ایفاده ائدن باش ناظیر بیلدیردی کی، آلمانیا، هلند، سوئیس موضوع تورکیه اولدوقدا آنیدن نئجه ده دیکتاتور اولدوق‌لارینی، نئجه قاداغان ائدیجی قرارلارا اوز توتدوق‌لارینی گؤردوک. اورا‌لاردا "یوخ " دئمک سربست، "هه" دئمک قاداغان‌دیر. بون‌لارین سؤز آزادلیغین‌دان، آزادلیق‌دان، اینسان حاقلاریندان‌ باشا دوشدوک‌لری آنجاق بو قدردیر.

آوروپا اؤلکه‌لرینه خبردارلیق دا ائدن ییلدیریم اونو دا دئدی کی، بو ائدیلن‌لری حافظه میزه یازدیق، لازیم گلدیکده جاواب‌لار وئریلدی، وئرمه‌یه ده داوام ائدجییک.

ترورلا موباریزه‌یه ده توخونان ییل‌دیریم بو مسئله ده قرارلی اولوندوغونو وورغولادی و دئدی کی، هاردا اولماسین‌دان آسیلی اولمایا‌راق ترورلا موباریزه‌میز داوام ائده‌جک‌دیر. سوریه-ده "فرات قالخانی" ایله اوغورلا حیاتا کئچیریلن عملیاتلا داعش ترور تشکیلاتینی نئجه محو ائتدیکسه، دیگرلرینی ده همین شکیلده محو ائدجییک.