تورکیه-هلند پارلامنتلرآراسی دوستلوق قروپو لغو ائدیله‌جک
تورکیه بؤیوک میللت مجلیسی (TBMM) تورکیه-هلند پارلامنتلر آراسی دوستلوق قروپو بو هفته ایچینده لغو ائدیله‌جک.
تورکیه بؤیوک میللت مجلیسی (TBMM) تورکیه-هلند پارلامنتلر آراسی دوستلوق قروپو بو هفته ایچینده لغو ائدیله‌جک.
تورکیه بؤیوک میللت مجلیسی (TBMM) تورکیه-هلند پارلامنتلر آراسی دوستلوق قروپون صدری، عدالت و اینکیشاف پارتیسی‌نین یوزگات شهریندن سئچیلمیش میللت وکیلی ارتوغرول سویسال بو هفته‌نین اولینده توپلانتی کئچیرن ناظیرلر شوراسی‌نین دوستلوق قروپونون لغو ائدیلمه‌سینه دایر قراری ایله علاقه‌لی آنادولو خبر آژانسی‌نین موخبیری‌نین سوال‌لارینا جاواب وئردی.
سویسال بو هفته ایچینده ایداره هئیتی‌نین ایستئفا ائده‌رک، دوستلوق قروپونو لغو ائده‌جک‌لرینی ایفاده ائتدی.
دوستلوق قروپوندا موخالیفت پارتی لاریندن عضو‌لری ایله ده دانیشاجاقلارینی بیلدیرن سویسال دئدی کی، ناظیرلر شوراسی‌نین قبول ائتدیگی پرینسیپ قراری چرچیوه‌سینده بیر نئچه گون ایچینده مسئله دقیق‌لشه‌جک.
هفته‌نین اولینده توپلانتی کئچیرن ناظیرلر شوراسیندا تورک ناظیرلره قارشی شنبه گونو رفتاری سبب ایله بحران یاشانان هلند-ه یونلیک آتیلا‌جاق آددیم‌لار قرارلاشدیلمیشدی.
حکومت سوزچوسو نومان کورتولموش اؤلکه خاریجینده اولان هلند بویوک ائلچیسی‌نین تورکیه‌نین دیله گتیردیگی مسئله‌لر یئرینه یئتیریلنه ده ک تورکیه‌یه قاییتمایاجاغینی، هلند-دان دیپلوماتیک اوچوش‌لارا ایجازه وئریلمه‌یه‌جگینی، یوکسک سویه‌لی علاقه‌لر ایله پلانلاشدیریلمیش ییغینجاغ‌لارین تاخیره سالیندیغینی و تورکیه بویوک میللت مجلیسینه تورکیه-هلند دوستلوق قروپونون تورکیه حیصه‌سی‌نین لغو ائدیلمه‌سی‌نین تکلیف ائده جکلرینی بیان ائتمیشدی.
هلند حکومتی مارتین 11-ده خاریجی ایشلر ناظیری مولود چاووش اوغلو اوچاغینا ائنیش ایجازه‌سی وئرمه‌میش، عائله و سوسیال سیاست‌لر ناظیری فاطما بتول سایان کایانی ایسه تورکیه‌نین روتردام باش کونسوللوغونا گئتمه‌یه قویمامیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
