"تورکیه، آوروپا و دارالان افق لر"
کالین "دیلی صاباح" قزئتی اوچون "تورکیه، آوروپا و دارالان افق لر"باشلیقلی مقاله یازدی.
جمهورباشقانلیغی سؤزچوسو ابراهیم کالین مسئله مسلمانلار اولدوقدا آوروپانین اؤز دیرلرینی اونوتدوغونو سؤیلهدی.
کالین "دیلی صاباح" قزئتی اوچون "تورکیه، آوروپا و دارالان افق لر"باشلیقلی مقاله یازدی.
مقالهسینده هلند حکومتینه و آوروپا بیرلیگینه رئاکسیا گؤسترن ابراهیم کالین بیلدیردی کی، روتردام شهرینده شنبه گونو باش ورنلر دیپلوماتیک گرگینلیگین اوته سینده اولان بیر حادثهدیر. اساساً یاشانان پروسئس آوروپا دئموکراسی لری اوچون بیر امتحاندیر.
کالین بو بحرانین سادهجه هلند-ده سئچیملرین یاخینلاشماسی ایله علاقه لندیریلمهسینین کیفایتلی اولمایاجاغینی وورغولادی.
او دئدی کی، 15 مارتدا کئچیریلهجک پارلامنت سئچیملرینده حاکمیتده قالماغا جهد گؤسترهجک هلند حکومتی آوروپانین ان بؤیوک ایسلام علیهینه و عرقچی سیاسی حرکتی اولان گئرت ویلدرز-ین پارتی سینه باش اییر. آوروپالی سیاستچیلرین آلترناتیو بیر سیاسی یاناشما اورتایا قویماق اوزینه دئموکراسی، تربییه، مولتی کولتورالیزم و اینسان حاقلارینا ضرر وئرن عرقچی و مسلمان علیهینه پوپولیزمه تسلیم اولور.
ابراهیم کالین مقالهسینده بعضی آوروپالی سیاستچیلرین ساووندوغو "تورکیهنین سیاسی مسئلهسی آوروپایا آپاریلمامالیدیر" ایفادهسینی ده دیرلندیرهرک دئدی کی، مختلیف آوروپا اؤلکهلری تورکیه حکومتی و جمهور باشقانی رجب طیب اردوغان علیهینه قروپلارین فعالیتلرینه ایجازه وئریر. حتی ترور تشکیاتلاری پ.کا.کا و DHKP-C منسوبلارینین آوروپا پایتاختلاریندا آزاد سیاحتی، اؤزلرینه عضو تاپماسی، خراج ییغماسی و قارا تبلیغات آپارماسی دا سربستدیر. بئله ایکی اوزلو سیاستلر تطبیق ائدهرک آوروپا حکومتلری تورکیهده داوام ائدن 16 آوریلده کئچیریلهجک رفرندوم فعالیتلرینده اؤز طرفلرینی آشکار ائتدیلر.
ابراهیم کالین تورکیهلی سیاستچیلره مانع تؤرهدن هلند حکومتینین اؤز سئچیم کامپانیاسی اوچون 16 ژانویهده اینگیلترهنین پایتاختی لندنده کی بویوک ائلچی لیکده توپلانتی تشکیل ائتدیگینه دقت چکدی.
ابراهیم کالین بو جور انگل تؤرتمه تشببوسلری ایله عرقچیلیگین نورماللاشدیریلدیغینی سؤیلهدی.
سس سیز موقعی ایله آوروپانین هلندی دستکلدیگینی بیلدیرن کالین آوروپالی دئموکراتلاری هلند حکومتینی پیسلمهیه چاغیردی.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب