اردوغان، هولند و آلمانا تپکی گؤستردی
اردوغان، 14 مارس طیب بایرامی دولایاسییلا، سکتور ایشچیلری ایله پرزیدنت ساراییندا بیر آرایا گلدی

تورکیه پرزیدنتی رجب طیب اردوغان، تورکیهنین هولندلیلری سربرنیتسادا تانیدیغینی ایفاده ائدهرک؛
"اونلارین کاراکترینین، یارادیلیشینین نه قدر خاراب اولدوغونو، 8 مین بوشناک-ی اورادا نئجه قاتل ائتدیکلرینی (1991-1995) تانییاریق" دئدی.
اردوغان، 14 مارس طیب بایرامی دولایاسییلا، سکتور ایشچیلری ایله پرزیدنت ساراییندا بیر آرایا گلدی.
سؤزلرینه "بوتون ساغلیق ایشچیلریمیزین 14 مارس طیب بایرامینی تبریک ائدیرم" دئیه باشلایان پرزیدنت، فداکار ساغلیق تشکیلاتینین ترور بؤلگهلرینده ده نئجه موباریزه وئردیگینی یاخشی بیلدیگینی قید ائتدی.
دؤیوشده بئله ساغلیق ایشچیلرینه آتش آچیلمادیغینی ایفاده ائدن اردوغان؛
"ها هولندلی کیمی اولورسا آچار، اونو دا دئییم. بیز هولندنی و هولندلیلری سربرنیتسا قیرغینیندان تانییاریق. اونلارین یارادیلیشینین، کاراکترینین نه قدر خاراب اولدوغونو 8 مین بوشناکی اورادا نئجه قتل ائتدیکلرینی تانییاریق، بونلاری یاخشی بیلیریک. کیمسه بیزه مدنیت درسی وئرمهسین . مدنیلیک درسی وئرمهسین. بو میللتین آلنی آغدیر، اما اونلارین آلنی قاپقارادیر "ایفادهلرینی ایستیفاده ائتدی.
بعضی آوروپا اؤلکهلرینین عرقچی و فاشیست پارتیلارین اویونجاغی حالینا دؤندوگونو، آوروپا ایچینده یوکسهلن عرقچیلیگه قارشی مخاطبلرینی هر فورصتده اویاردیکلارینی ایفاده ائدن اردوغان، بو یوکسلیشدن ان چوخ ضرری یئنه آوروپانین گؤرجگینه ایشاره ائتدی.
شنبه گونو هولندین روتردام شهرینده یاشانانلارین یالنیز تورک باخانا دئییل، بین الخالق دیپلوماسیایا ائدیلدیگینی یازان اردوغان، وین آنلاشماسی ایله آوروپا بیرلیگی معیارلارینین هولند رهبرلیگی طرفیندن آیاقلار آلتینا آلیندیغینی وورغولادی.
هولنده صاحب چیخان اؤلکهلر ده بوتون لیاقتینی ایتیرمیشدیر دئین پرزیدنت اردوغان؛
"آلمان شانسؤلیه 'سی من هولندین یانیندایام دئییر. سنین اوندان ذاتن فرقین اولمادیغینی بیلیریک. باشقا شئی ده گؤزلمیریک." ایفادهلرینی ایستیفاده ائتدی.
هولندده صاباح (چرشنبه) کئچیریلهجک عمومی سئچیمه ده توخونان اردوغان، بو اؤلکهده یاشایان تورک وطنداشلاری ایله مسلمانلارا سسلنهرک:
"اصلا ایقتیدارداکینه و عرقچییا سس وئرمیین" چاغیریشی ائتدی.
تورک میللتینین نه قدر بؤیوک اولدوغونو هولندلیلر ده آنلایاجاغینی ایفاده ائدن پرزیدنت اردوغان، عذر دیلنسه بیله بو موضوعنون باغلانمایاجاغینی، حقوق نورمالاری چرچیوهسینده لازیم اولانین ائدیلهجگینی بیلدیردی.
"آوروپا قولدور دولتلرین اینصافینا ترک ائدیله بیلمهیهجک قدر اهمیتلی بیر قارهدیر" دئین اردوغان بوتون دونیانی بو موضوعدا داها حساس اولماغا دعوت ائتدیگینی بیلدیردی.
اردوغان؛
"بیز ائدیلنلرین حسابینی حقوقلا، دیپلوماسی ایله سوروشاجاغیق. بوتون پلاتفورمالاری ایستیفاده ائدهرک خاریجی دوشمنلیگی و ایسلام دوشمنلیغی ایله موباریزهنی یوغونلاشدیراجاغیق" دئدی.
هولند حکومتی، شنبه گونو، خاریجی ایشلر صدری مولوت چاووش اوغلونون اوچاغینا ائنیش ایجازهسی وئرممیش، عائله و سوسیال سیاستلر ناظیری فاطما بتول سایان قایانی ایسه تورکیهنین روتردام باشکونسولوسلوغونا آلمامیشدی.