عدالت ناظیری بکیر بوزداغ آوروپا‌نی تنقید ائتدی
بوزداغ، فرانسانین استراسبورگ شهرینده، آوروپا‌لی تورک دموکرات‌لار بیرلیگی بیناسی‌نین آچیلیشیندا دانیشدی
عدالت ناظیری بکیر بوزداغ، بؤلوچو ترور تشکیلاتی پ.ک.ک-نین آوروپا‌داکی فعالیت‌لری‌نین انگللنممسینی تنقید ائتدی.
بوزداغ، فرانسانین استراسبورگ شهرینده، آوروپا‌لی تورک دموکرات‌لار بیرلیگی بیناسی‌نین آچیلیشیندا دانیشدی.
تورکیه اولا‌راق هئچ بیر ترور تشکیلاتی آراسیندا آیری-سئچکی‌لیک ائتمدیک‌لرینی وورغولایان بوزداغ، تورکیه‌نین هانسی ترور تشکیلاتی اولورسا اولسون دایم موباریزه اوچون همرای‌لیک ایچینده اولدوغونو سؤیله‌دی.
بوزداغ؛ 15 وئیه‌ده کودتا گیریشینه قاتیلان، پرزیدنت کوللیه‌سینی بومبالایان، وطنداش‌لاری شهید ائدن، دولته ضرر وئرن، پرزیدنتی‌نین جانینا قصد ائدن‌لرین غرب دونیاسیندا حمایه ائدیلدیگینی و بو اینسانلارا سیغینما حاقی وئریلمه‌یه چالیشیلدیغینی کؤچوره‌رک، بو توتومون دموکراسی و حقوق دولتی آنلاییشی اویغون گلمدیگینی ایفاده ائتدی.
بؤلوچو ترور تشکیلاتی پ.ک.ک-نین دا آوروپادا هله حمایه ائدیلدیگینی وورغولایان بوزداغ، پ.ک.ک-نین ترور تشکیلاتی اولدوغونو آوروپا شوراسی و آوروپا اؤلکه‌لری‌نین هامی‌سی‌نین قبول ائتدیگینی بونا باخمایا‌راق هر گون قادین، اوشاق دئمه‌دن گوناه‌سیز اینسان‌لاری اؤلدورن پ.ک.ک-نین بروکسل‌دکی آوروپا شوراسیندا سرگی آچماسینا ایجازه وئریلدیگینی خاطیرلاتدی.
بوزداغ؛
"داعش و یا باشقا ترور تشکیلاتی آوروپادا ایستاند آچا بیلر می؟ بیر سرگی آچا بیلر می؟ بیر تبلیغات یاپبیلیر می؟ ائده بیلمز "ایفادلرینی ایستیفاده ائده‌رک ترور تشکیلات‌لاری آراسیندا آیری-سئچکی‌لیک ائدن غرب اؤلکه‌لره اعتراض گؤستردی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
