کوماندولار فیرات قالخانی عملیاتینا دستک وئریر

کوماندولارین، فیرات قالخانی عملیاتیندا، یئریتدیگی عملیات‌لاری عکس ائتدیرن فوتوگرافلار دقت چئکدی

682036
کوماندولار فیرات قالخانی عملیاتینا دستک وئریر

سوآلتی تعرض(سات) و سوآلتی ساوونما (ساس) کوماندولاری ایله آمفیبی(اوزرگزر) دنیزچی‌لری، شرق دوغو و گونئی دوغو آنادولو بؤلگه‌لرینده بؤلوجو ترور هؤرگوتو پ‌کاکایا قارشی یئریدیلن مباریزه ایله سوریه‌نین قوزئیینده‌کی ترور هدف‌لرینه قارشی داوام ائدن فیرات قالخانی عملیاتینا دستک وئریر.

دنیز گوج‌لرین‌دن وئریلن یازی‌لی آچیقلامادا، هر جور هاوا، دنیز و اراضی شرط‌لرینده اؤزل حرکات وظیفه‌لری یئریده‌بیلن سئچکین بیرلیک‌لردن، سات و ساس کوماندولاری‌نین یانیندا آمفیبی دنیزچی‌لری ایله تروریستلرله مباریزه و فیرات قالخانی عملیاتینا قاتقی وئریلدیگی بیلدیریلدی.

آچیقلامادا، اؤزل بیرلیک‌لرین، دوغو و گونئی دوغو آنادولو بؤلگه‌لرینده، ترور هؤرگوتو پ‌کاکانین داوام‌لی سیغینما ساحه‌سی و گئچیش یولو اولا‌راق ایستیفاده ائتدیگی ساحه‌لرین تمیزلنمه‌سی و ترور هؤرگوتو منسوب‌لاری‌نین قیش حاضیرلیقلاری‌نین محدودلاشدیریلماسی مقصدیله باشلادیلان عملیات‌لار سیراسیندا فوتوگرافلاندیغی کادرلار دا پایلاشیلدی.

کوماندولارین، سوریه‌نین قوزئیینده‌کی ترور هدف‌لرینه قارشی 24 آگوستدا باشلادیلان و 188 گون‌دور داوام ائدن فیرات قالخانی عملیاتیندا، یئریتدیگی عملیات‌لاری عکس ائتدیرن فوتوگرافلار دقت چئکدی.



ایلگیلی‌لی خبرلر