تورکیه میلی کشفیات تشکیلاتی مستشاری حاکان فیدان، آلمانیا گئده‌جک

تورکیه میلی کشفیات تشکیلاتی مستشاری حاکان فیدان، آلمانیا فدرال کشفیات تشکیلاتی باشقانی دوکتور برونو کاهل‌ین دعوتی ایله بو اؤلکه‌یه سفر ائده‌جک.

دویچه وله‌نین خبرینه گؤره، فیدانین خاریجی کشفیات‌دان مسئول آلمانیا فدرال کشفیات تشکیلاتی‌نین یانیندا، ایچ کشفیات سرویسی آنایاساسینی قوروما تشکیلاتی (BfV) صدری هانز-جورج ماسن ایله ده بیر آرایا گلمه‌سی گؤزلنیلیر.

دیپلوماتیک قایناق‌لار، ایکی اؤلکه‌نی یاخین‌دان ماراقلان‌دیران امنیت پروبلملری و تهدیدلر سببیله، سون دؤورده کشفیات و امنیت واحیدلری آراسیندا امکداشلیغین آرتدیغینی ایفاده ائدیر.

تورکیه ایله آلمانیا آراسیندا، امنیت و کشفیات ساحه‌سینده حیاتا کئچیریلن گؤروشمه‌لر، سوریه قایناق‌لی تهدیدلر، خاریجی ساواشچیلر و داعش ایله موباریزه اهمیت‌لی گوندم مادده‌لرینی میدانا گتیریر.

میت مستشاری حاکان فیدان، آلمانیا زیارتی اوّلینده کئچن هفته، آمریکا مرکزی کشفیات تشکیلاتی (سیا) باشقانی مایکل پمپئویو باشکند آنکارادا قوناق ائتمیش، اوزون مدت‌لی بیر گؤروشمه ائتمیشدی.

آمریکا پرزیدنتی دونالد ترامپین آمریکان کشفیات واحیدلرینه، داعشه ضربه وورولماسی اوچون بیر پلان حاضیرلانماسی تعلیماتی وئرمیش اولماسی، سون دؤورده تورکیه ایله روسیانین سوریه موضوعسوندا بیرلیکده بوینونا گؤتوردوگو تشببوس‌لر تورکیه‌نین فیرات قالخانی عملیاتی ایله رقه‌یه پلان‌لاش‌دیریلان عملیات، سفرده اله آلینماسی گؤزلنیلن موضوعلار آراسیندا وار.

حاکان فیدانین، آلمانیا باش ناظیری آنگلا مرکلین 2 فوریه‌ده آنکارادا ائتدیگی سفرین‌دن سونرا بو اؤلکه‌یه گئدیر اولماسی، بو سفرین اهمیتینی آرتیردی.