ییلدیریم:" سوریه دانیشیق‌لاریندا جدی باشاری الده ائتدیک"

باش ناظیر بینا‌لی ییلدیریم، قازاخیستانین پایتاختی آستانادا کئچیریلن سوریه دانیشیق‌لاریندا جدی باشاری الده ائدیلدیگینی سؤیله‌دی.

659041
ییلدیریم:" سوریه دانیشیق‌لاریندا جدی باشاری الده ائتدیک"

باش ناظیر بینا‌لی ییلدیریم، قازاخیستانین پایتاختی آستانادا کئچیریلن سوریه دانیشیق‌لاریندا جدی باشاری الده ائدیلدیگینی سؤیله‌دی.

عدالت و اینکیشاف پارتیسی‌نین ایل باشقانلاری توپلانتی سیندا چیخیش ائدن ییلدیریم دئدی کی، تورکیه‌نین بؤلگه‌نین امنیتی اولدوغونو وورغولایا‌راق، ایشه قونشولارلا باشلادیق. روسیا ایله موناسیبت‌لریمیزی نورماللاشدیردیق. اسرائیل ایله ائله‌جه. سوریه ده آتشکه‌سین تامین ائدیلمه‌سی اوچون روسیا و ایرانلا آددیم آتدیق. آستانادا ذیروه تشکیل ائتدیک. اوچ اؤلکه راضی‌لاشدی. بیرلشمیش میللتلر تشکیلاتی بو ایشه جلب ائدیلدی. بون‌دان سونرا دا سیاسی حل یولو اوچون ایشلر گؤرولدو. جدی بیر باشاری الده ائدیلدی. عراق-ا سفر ائتدیک، "قونشویوق"، بیر-بیریمیزه احتیاجیمیز وار دئدیک. بو سبب‌دن عراق ایله ده بعشیقه، موصول، پ.کا.کا ایله موباریزه باشدا اولماقلا وضعیتی دیرلندیردیک.

"بو آددیم‌لارین آتیلماسین‌دان سونرا تورکیه‌نین بؤلگه‌دکی فعال‌لیغی ده آرتدی. بیر ایل اول سوریه ده تورکیه‌نی نظرده توتمایان‌لار ایندی تورکیه‌نین دئدیگینی ائدیرلر. میللتیمیزین بو گوجو رجب طیب اردوغانین گوجون‌دن گلیر.

باش ناظیر سوریه ده باریش‌ین تامین ائدیلمه‌سی، ترور تشکیلات‌لاری‌نین تمیزلنمه‌سی اوچون آوقوستون 24-ده باشلانیلان "فرات قالخانی" عملیاتی ایله ترور تشکیلاتی پ.کا.کا-نین سوریه ده کی قولو پ.ی.ده -یه، داعش-ه قارشی آمان‌سیز موباریزه آپاران تورکیه‌نین آزاد سوریا اوردوسونا دا دستک وئردیگینی سؤیله‌دی.

باش ناظیر آنایاسا دییشیک‌لیگی باره‌ده ایسه تورکیه بؤیوک میللت مجلیسی‌‌نین قرارینی وئردیگینی و فعالیت‌لری باشاری ایله تاماملادیغینی بیل‌دیره‌رک دئدی کی، رفرندومون آوریل آیی‌نین ایلک یاریسیندا، 20-دک اویغون تاریخده کئچیریله‌جگینی احتیمال اولونور.

بو هفته دقیق تاریخین آچیقلاناجاغینی قئید ائدن ییلدیریم اونو دا وورغولادی کی، آنایاسا دییشیک‌لیک جمهور باشقانی  رجب طیب اردوغانین تصدیقی اوچون تقدیم اولوندو. قانونا گؤره، " تصدیق له نیب" رسمی قزئتده یاییملاندیقدان سونرا 60 گونو ایزله‌ین ایلک بازار گونو رفرندوم کئچیریلی".



ایلگیلی‌لی خبرلر