جمهورباشقانی اردوغان تانزانیا ایش فوروموندا دانیشدی

تورکییه پرزیدنتی رجب طیب اردوغان فتح الله چی ترور تشکیلاتی‌نین (فتو) یالنیز تورکیه اوچون دئییل، فعالیت گؤستردیگی بوتون اؤلکه‌لر اوچون تهلوکه‌لی اولدوغونو بیلدیردی.

658045
جمهورباشقانی اردوغان تانزانیا ایش فوروموندا دانیشدی

تورکییه پرزیدنتی رجب طیب اردوغان فتح الله چی ترور تشکیلاتی‌نین (فتو) یالنیز تورکیه اوچون دئییل، فعالیت گؤستردیگی بوتون اؤلکه‌لر اوچون تهلوکه‌لی اولدوغونو بیلدیردی.

تورکیه پرزیدنتی رجب طیب اردوغان تانزانیا ایش فوروموندا چیخیش ائتدی.

تورکیه‌نین 15 ژوئیه‌ده فتو طرفیندن منفور بیر چئوریلیش جهدینه معروض قالدیغینی بیلدیرن اردوغان: "تأسف کی، بو تشکیلات اینسانی یاردیم، تحصیل، تیجارت کیمی آنلاییش‌لارین آرخاسیندا گیزلنه‌رک دونیانین موختلیف بؤلگه‌لرینده تأثیرلی اولا بیلدی. بو حیله‌گر ترور تشکیلاتی‌نین تانزانیادادا اوزانتیلارینین اولدوغونو بیلیریک" دئدی.

حاضردا دونیانین ان بؤیوک بلاسی‌نین ترور اولدوغونو، ترورا قارشی بیرگه موباریزه‌نین ضروری‌لیگینی وورغولایان اردوغان:"بون‌لار 248 وطنداشیمیزی ف-16 اوچاقلار ایله، هلیکوپترلر، تانک‌لار، توپ‌لار، معاصر سلاح‌لارلا شهید ائتدیلر، 2 مین 193 وطنداشیمیزی یارالایا‌راق قاضی (جانباز) ائتدی‌لر. اونا گؤره ده، اینانیرام کی، تانزانیا بون‌دان سونرا بو ترور تشکیلاتینا قارشی داها فرق‌لی تدبیرلر گؤره‌جک‌دیر" ایفاده‌لرینی ایشلتدی.

تورک‌لرین افریقاداکی مین ایللیک تاریخینده هئچ واخت سؤمورگه‌جیلیک لکه‌سی اولمادیغینی بیلدیرن اردوغان: "تاریخده اوچ قاره‌یه یاییلان دؤولت‌لر قوران اجدادیمیز نه بورادا، نه ده دیگر بؤلگه‌لرده قطعیت ایله امیریالیست مقصدلرله حرکت ائتمه‌ دیلر. تورک میللتی‌نین افریقایا ماراغی منفعته دئییل، کؤنول باغلارینا دایانیر" دئدی.

بیرلشمیش میللت‌لر تشکیلاتی‌نین یاپیسینی بیر داها تنقید ائدن اردوغان: "گلین بوتون دونیا بیرلشک و "دونیا بئشدن بؤیوک‌دور" دئیه‌رک بیرلشمیش میللت‌لر تشکیلاتی‌نین 193 عضوو آراسیندا هر کس، بیرلشمیش میللت‌لر تشکیلاتی‌نین دایمی عضو‌لری آراسیندا یئرینی آلسین و هامی تمثیل صلاحیتینه مالیک اولسون. موقتی عضو‌لر، دایمی عضو‌لر کیمی آیری-سئچکی‌لیک آرا‌دان قالخسین. ایکی ایل 20 عضو وظیفه باشیندا اولسون. سونرا 10 عضوون یئرینه دیگر 10 عضو گله‌رک ایشه داوام ائتسین. بونو ائتمه‌یه مجبوروق. بونو ائتدیگیمیز آندا دونیانین تالعی‌ داها فرق‌لی شکیلده دییشه‌گینی گؤرجکسینیز" شکلینده دانیشدی.

تانزانیا پرزیدنتی جان پومبه ماگوفیلی و خانیمی جانت ماگوفیلی پرزیدنت رجب طیب اردوغان و خانیمی امینه اردوغانین شرفینه رسمی شام یئمکی وئردی‌لر.

پرئزیدئنت سارایین‌داکی زیافتده تورکییه‌نین خاریجی ایشلر ناظری مولود چاووش اوغلو و خانیمی نیگار هولیا چاووش اوغلو، ایقتیصادیات ناظیری نیهات زئیبکجی و حیات یولداشی عایشه زئیبکجی، انرژی و طبیعی قایناق‌لار ناظری برات آلبایراک دا ایشتیراک ائتدی‌لر.

رسمی شام یئمکی مطبوعاتا قاپا‌لی اولدو.



ایلگیلی‌لی خبرلر