"1915 اولایلارینی یوروملاما تاریخچی‌لرین ایشی"
دانمارک خاریجی ایشلر باخانی، تورکیه و ارمنیستان آراسیندا ایلیشکی‌لرین نئجه اولاجاغینا بو 2 اؤلکه‌نین قرار وئرجیینی قید ائتدی
دانمارک خاریجی ایشلر باخانی آندرس سامولسن، 1915 حادثه‌لرینی آراشدیریب یوروملامانین تاریخچی‌لرین ایشی اولدوغونو ایفاده ائده‌رک؛
"حکومت تاریخی بیر قونودا نظر صاحبی دئییل و اولماق دا ایسته‌میر. حکومت اولاراق، پارلمانین دا بو جور بیر ایشه قالخیشماماسینی تکلیف ائدیریک" دئدی.
دانمارک‌لی باخان، بعضی پارتی‌لرین خاریجی ایشلر باخانلیغی‌نین یانیتلاماسی طلبی ایله وئردیگی و 1915 اولایلاری ایله ایلگیلی ارمنی ادعا‌لاریندا حکومتین توتومونون سوروشولدوغو سورو اؤنرگه‌سینی جاوابلاماق اوزره، پارلماندا دانیشدی.
تاریخی حادثه‌لرین پولیتیزه ائدیلدیگینی وورغولایان سامولسن، بو سببله حادثه‌نین تاریخچی‌لره وئریلمه‌سی لازیم اولدوغونو دیله گتیردی.
باخان سامولسن،
"دؤولت طرفیندن تاریخی تعیین ائدن بیر یئتکیمیز یوخ و اولمایا‌جاق دا" دئدی.
تورکیه‌ده یاشایان ارمنی، یهودی و روم کؤکن‌لی‌لرین آزینلیق اولاراق تانیندیغینی خاطیرلا‌دان سامولسن، تورکیه و ارمنیستان آراسیندا ایلیشکی‌لرین نئجه اولاجاغینا دا بو 2 اؤلکه‌نین قرار وئرجیینی قید ائتدی.
داها سونرا، پارلمان، 1915 اولایلاریلا ایلگیلی ایکی متنین، 26 ژانویه‌ده اویلانماسینا قرار وئردی.
اؤته یاندان، دانمارک خالق پارتیسی‌نین تورکیه‌نین آوروپا بیرلیگینه اویه‌لیک مذاکیره‌لری‌نین آسقییا آلینماسی یولوندا وئردیگی یازی‌لی تکلیف، سس چوخ‌لوغو ایله رد ائدیلدی.
