چاووش اوغلو نیویورک-دا آنتونیو گوترس ایله گوروشدو
خاریجی ایشلر ناظیری مولود چاووش اوغلو اینجیرلیک مرکزینین (پایگاه هوایی) باغلادیلماسی‌نین گوندمده اولمادیغینی، آنجاق ترور تشکیلاتی داعش-ه قارشی موباریزه‌ده تورکیه‌یه دستک وئرمه‌ین اؤلکه‌لرین مرکزده قالما‌لاری‌نین معناسی‌نین اولمادیغینی سؤیله‌دی.
خاریجی ایشلر ناظیری مولود چاووش اوغلو اینجیرلیک مرکزینین (پایگاه هوایی) باغلادیلماسی‌نین گوندمده اولمادیغینی، آنجاق ترور تشکیلاتی داعش-ه قارشی موباریزه‌ده تورکیه‌یه دستک وئرمه‌ین اؤلکه‌لرین مرکزده قالما‌لاری‌نین معناسی‌نین اولمادیغینی سؤیله‌دی.
نیویورک-دا بیرلشمیش میللتلر تشکیلاتی‌نین باش کاتیبی آنتونیو گوترس ایله گؤروشون‌دن سونرا گوندمه دایر آچیقلاما وئره‌رک، الباب-ا یونلیک عملیاتدا تورکیه‌یه دستک وئرمه‌ین اؤلکه‌لری تنقید ائدن چاووش اوغلو دئدی کی، اینسانی بحرانین حلی اوچون داها فعال جهد گؤستریلمه‌لی‌دیر.
چاووش اوغلو بئله دئدی:"بیز داعش-ه قارشی اؤنملی موباریزه آپاریریق، اما سون زامان‌لاردا کوالیسیونون هاوا‌دان دستکینی گؤرموروک. مادام داعش ایله موباریزه ائتمک اوچون کوالیسیون قوردوق، تورکیه ده فیزیکی مکان‌لار تامین ائتدی، بس، نه اوچون دستک اولمورسونوز؟ مقصد ندیر، نه ایستییرسینیز؟ حال-حاضردا رقه-دن الباب-ا دوغرو گلن و الباب-دا علاوه گوج اولا‌راق گلن داعش عنصورلری وار، او گذرگاهدا کوردیناتلاری وئریریک نه اوچون وورمورسونوز؟".
ناظیر اینجیرلیک مرکزی ایله علاقه‌لی موباحیثه لرین خاطیرلادیلماسی قارشی‌سیندا ایسه دئدی کی، مرکزدن ایستیفاده ائدن اؤلکه‌لر تورکیه‌نین عملیات‌لارینا دستک وئرمه‌لی‌دیر. اینجیرلیک مرکزینین باغلادیلماسی گوندمده دئییل، آنجاق ترور تشکیلاتی داعش-ه قارشی موباریزه‌ده تورکیه‌یه دستک وئرمه‌ین اؤلکه‌لرین مرکزده قالما‌لاری‌نین معناسی دا یوخ‌دور.
بیرلشمیش میللتر تشکیلاتی‌نین باش کاتیبی آنتونیو گوترس ایله کئچیردیگی گؤروشه ده توخونان چاووش اوغلو باش کاتیبه قازاخیستانین پایتاختی آستانا‌داکی سوریه ایله علاقه‌لی سیاسی پروسئسین اؤنملی اولدوغونو، آنجاق اینسانی وضعیتین اونودولماماسی‌نین واجیب‌لیگینی دیله گتیردیگینی سؤیله‌دی.
چاووش اوغلو و گوترس قیبریس موذاکیره‌لری ایله علاقه‌لی آتیلان آددیم‌لاری دا موذاکیره ائتدیک‌لرینی، بوگون ده یونانیستان خاریجی ایشلر ناظیری نیکون کوتزیاس ایله قیبریس و ایکی طرفلی علاقه‌لرین موذاکیره اولوناجاغی گؤروش کئچیره‌جک‌لرینی قئید ائتدی.
