تورکیه و فرانسا خاریجی ایشلر ناظیرلری تلفونلا دانیشدیلار

خاریجی ایشلر ناظیری مولود چاووش اوغلو فرانسانین خاریجی ایشلر ناظیری ژان مارک آیرو ایله تلفونلا دانیشدی.

636215
تورکیه و فرانسا خاریجی ایشلر ناظیرلری تلفونلا دانیشدیلار

خاریجی ایشلر ناظیری مولود چاووش اوغلو فرانسانین خاریجی ایشلر ناظیری ژان مارک آیرو ایله تلفونلا دانیشدی.

دیپلوماتیک قایناق‌لاردان الده ائدیلن معلوماتا گؤره، گؤروش آیرو-نون ایستگینه گؤره باش توتدو.

تلفون دانیشیغیندا آیرو سون دؤورده تورکیه‌ده باش وئرن ترور سالدیریلاری اساسیندا فرانسا طرفیندن وئریلن یازیلی آچیقلاما‌لاردان علاوه شخصاً زنگ ائده‌رک، تورکیه ایله هم رای‌لیک ایچری‌سینده اولدوق‌لارینی ایفاده ائتمک ایسته‌دیگینی سؤیله‌دی.

چاووش اوغلو دا آیرو-یا گؤستردیگی هم رای‌لیک و دسته‌یه گؤره تشککور ائتدی. چاووش اوغلو فرانسا‌لی همکارینا سوریه‌نین حلب شهرینده کی آتشکس، تخلیه پروسئسی و روسیانین پایتاختی مسکودا کئچیریلن اوچ طرفلی سوریه کونفرانسی حاقیندا معلومات وئردی.

قئید ائدک کی، سوریه‌ده‌کی اینسانی وضعیتی و تخلیه پروسئسی‌نین موذاکیره ائدیلمه‌سی مقصدی ایله 20 دسامبردا روسیانین پایتاختی موسکودا سوریه کونفرانسی کئچیریلمیشدی. ییغینجاغا خاریجی ایشلر ناظیری مولود چاووش اوغلو، روسیانین خاریجی ایشلر ناظیری سرگئی لاوروف و ایرانین خاریجی ایشلر ناظیری محمد جاواد ظریف قاتیلمیشدی.

لاوروف تورکیه، روسیا و ایرانین سوریه‌ده‌کی بحرانا حل یولو تاپماق اوچون آتیلا‌جاق آددیم‌لارین معین ائدیلدیگی اورتاق بیلدیری قبول ائتدیگینی آچیقلامیش، تورکیه، ایران و روسیانین باریش بیلدیریسینی دستکلییردئمیشدی.  

خاریجی ایشلر ناظیری چاووش اوغلو دا ییغینجاق‌دان سونرا وئردیگی آچیقلامادا دئمیشدی کی، سوریه‌ده آتشکسین تاسیسی و بونو سوریه‌یه یاییلماسینی موذاکیره ائتدیک. سوریه‌ده آنجاق دایمی حل سیاسی حل یولودور. اینسانی یاردیم و آتشکسین دایمی اولماسی اوچون سعی‌لریمیزی داوام ائتدیریله‌جک‌دیر.



ایلگیلی‌لی خبرلر