چاووش اوغلو روسیا، سعودی عربیستانی و قطر خاریجی ایشلر ناظیرلری ایله گوروشدو

خاریجی ایشلر ناظیری مولود چاووش اوغلو تلفون دانیشیق‌لاریندا سوریه‌نین حلب شهرین‌دکی شدت‌لی هوجوم‌لارا دقت چکه‌رک سیویل لرین تخلیه ائدیلمه‌سینی وورغولادی.

629978
چاووش اوغلو روسیا، سعودی عربیستانی و قطر خاریجی ایشلر ناظیرلری ایله گوروشدو

خاریجی ایشلر ناظیری مولود چاووش اوغلو تلفون دانیشیق‌لاریندا سوریه‌نین حلب شهرین‌دکی شدت‌لی هوجوم‌لارا دقت چکه‌رک سیویل لرین تخلیه ائدیلمه‌سینی وورغولادی.

ناظر روسیا، سعودی عربیستانی و قطر خاریجی ایشلر ناظیرلری ایله تلفونلا دانیشدی.

لاوروف تلفون دانیشیغیندا چاووش اوغلونا ایستانبولدا حیاتا کئچیریلن ترور هوجوموندا حیاتینی ایتیرن‌لره گؤره باش ساغلیغی وئردی.

تلفون دانیشیغیندا حلب باشدا اولماقلا سوریه‌ده‌کی وضعیت موذاکیره اولوندو.

چاووش اوغلو همین چرچیوه‌ده سوریه رژیمی‌نین حلب‌دکی شدت‌لی هوجوم‌لارینا دقت چکه‌رک، سیویل لرین تخلیه ائدیلمه‌سی‌نین داشیدیغی اهمیتی وورغولادی.

چاووش اوغلونون حلب‌دکی آتشکس‌دن اول سعودی عربیستانی خاریجی ایشلر ناظیری ایله کئچیردیگی تلفون دانیشیغیندا دا باشدا حلب اولماقلا سوریه ده کی سون وضعیت موذاکیره اولوندو.

سوریه رژیمی و اونا دستک اولان‌لارین شرقی حلب‌دکی محاصره‌سی ایله شدت‌لی هوجوم‌لاری‌نین دقتله ایزلندیگینی بیلدیرن ناظیر دئدی کی، 2 محله‌ده سیخیشیب قالمیش اون مین‌لرله وطنداشین قارشی‌داکی گون‌لرده هدف گؤتورولمه‌سیندن جدی ناراحات‌لیق دویوروق.

ایکی ناظیر ده حلبه یونلیک هوجوم‌لارین درحال دایاندیریلماسی و شرقی حلب‌ده قالان اها‌لی‌نین گوونلی شکیلده تخلیه سینین بیر آن اول حیاتا کئچیریلمه‌سی و اینسانی یاردیم‌لارین چاتدیریلماسی باره‌ده همفیکیر اولوبلار.

خاریجی ایشلر ناظیری مولود چاووش اوغلو قطرین خاریجی ایشلر ناظیری محمد بن عبدالرحمن آل ثانی ایله کئچیردیگی تلفون دانیشیغیندا دا حلب باشدا اولماقلا بولگه سل مسئله‌لر موذاکیره اولوندو.

چاووش اوغلو همچنین قطرین آزادلیق گونو موناسیبتی ایله همکارینی تبریک ائتدی.



ایلگیلی‌لی خبرلر