TRT World،ون تقدیمات مراسیمی پرزیدنت کوللیه‌سینده ائدیلدی

گئجه‌یه صنعت، ایش، سیاست، ایدمان و مئدیا توپلولوغوندان چوخ سایدا دعوتلی قاتیلدی

611639
TRT World،ون تقدیمات مراسیمی پرزیدنت کوللیه‌سینده ائدیلدی

تورکیه‌نین اینگیلیسجه یایین ائدن ایلک اولوسلار آراسی خبر پلاتفورمو TRT World،ون تقدیمات مراسیمی پرزیدنت کوللیه‌سینده ائدیلدی.

گئجه‌یه صنعت، ایش، سیاست، ایدمان و مئدیا توپلولوغوندان چوخ سایدا دعوتلی قاتیلدی.

چیخیش‌لار اؤنجه‌سینده قوناق‌لارا، ت.ر.ت-ین تقدیمات فیلمی ایزلدیلدی، آردین‌دان ت.ر.ت مودور کؤمکچی‌سی ارن،TRT World  ایله باغلی تقدیمات اولدو.

داها سونرا فتح الله‌چی ترور تشکیلاتی (فتو) طرفین‌دن 15 ژوئیه آخشامی تشکیل ائدیلن کودتا گیریشیمینده، TRT World-ون ائتدیگی یایینلارا باغلی قیسا بیر فیلم گؤستریلدی.

پروقرامدا چیخیش ائدن پرزیدنت اردوغان، سؤزلرینه "ت.ر.ت-یه و TRT World عائله‌سینه اوزون نفس‌لی و باشاریلی بیر یایین حیاتی آرزو ائدیرم." دئیه‌رک باشلادی.

TRT World-ون اؤز ساحه‌سینده چوخ اهمیت‌لی بیر بوش‌لوغو دولدوراجاغینا ایناندیغینی ایفاده ائدن اردوغان،

"من آرخاسینا بئله بیر تجروبه‌سی و گوجو آلان TRT World-ون، شعاریندان ایفاده ائدیلدیگی کیمی، حقیقتن ده تورکیه‌نین دونیایا آچیلان پنجره‌سی اولاجاغینا اینانیرام. TRT World-ون یئنی بیر دیل ایله حکاینی یئنی‌دن ایضاح ائتمک، میکروفونو قونوشدورولمایان‌لارا اوزاتماق، دوربینی آشکاری چئویرمک هدفینی ده سون درجه قیمت‌لی حساب ائدیرم. اولوسلار آراسی مئدیانین بؤیوک اؤلچوده بیر-بیرینه بنزدیگی، سئرورلر و کانال‌لار دییشسه ده خبرین قورغوسونو و دیلی‌نین تک دوزه حالا گلدیگی بیر دؤورده، بئله بیر میسیونلا اورتایا چیخماق تقدیره دگردیر. " دئیه دانیشدی.

فتونون کودتا گیریشیمی‌نین باشاریلی اولماسی حالیندا، بعضی اولوسلار آراسی مئدیا قورولوش‌لاری‌نین کودتانی قانونیلشدیرمه تلاشی ایچینه گیرجگینه دقت چکن اردوغان، داعشه قارشی ان بؤیوک موباریزنی وئرن، یوزلرله وطنداشینی تشکیلاتین قان‌لی حرکت‌لرینده ایتیرن تورکیه‌نین، یئنه بو مئدیا تشکیلات‌لاری طرفین‌دن قورو تبلیغاتی‌نین هدفی حالینا گلدیگینه ایشاره ائتدی.

TRT World-ه چوخ اهمیت‌لی وظیفه‌لر دوشدوگونو ایفاده ائدن اردوغان،

"بو سئچکین کانالیمیزدان اؤلکه‌میزین میلتیمیزین گئرچک‌لرینی ان یاخشی خبرچی‌لیگه ان یاخشی تلویزیون ائده‌رک دونیایا ایضاح ائتمه‌سینی گؤزلییریک. بو کانالیمیزی ظالم‌لرین تبلیغات بولتنی دئییل مظلوم‌لارین گور سسی اولا‌راق گؤرمک ایستییریک" دئدی.

باش ناظیر کؤمکچی‌سی نومان کورتولموش دا، ت.ر.ت-ین 13 تلویزیون، 16 رادیو کانا‌لی، 5 ژورنال، 41 دیل و لهچه‌ده ائتدیغی وب و رادیو یایینلاری، 13 اؤلکه‌دکی تمثیلجیلیکلریله، تورکیه‌ده اجتماعی یایینجی‌لیغی‌نین پارلایان اولدوزو اولماغا داوام ائتدیگینی سؤیله‌دی.

ت.ر.ت مودورو شنول گؤکان دا، تشکیلاتین یایین ایستراتژیسینه توخوندو و ت.ر.ت-ین بون‌دان سونراکی دؤورلرده نشر ایستراتژیسی‌نین، عینی TRT World-ده اولدوغو کیمی داها چوخ یورد دیشینا دؤنوک و مزمون اولا‌راق خاریجه آغیرلیق‌لی اولماسینی پلانلادیق‌لارینی بیلدیردی.

گؤکان، تورکیه‌نی و تورک اینسانینی، یالنیز اینگیلیس دئییل، باشقا دیل‌لرده ده بوتون دونیایا ایضاح ائتمک ایستدیک‌لرینی قید ائتدی.

TRT World  ایله باغلی تقدیمات ائدن ت.ر.ت مودور کؤمکچی‌سی ایبراهیم ارن ده، کانالین یایین قانون‌لارینی ایضاح ائتدی.

ارن، اینسان مرکزلی دونیاگؤروشو، خبرجیلیکدکی جسور پرسپکتیو و مسئله‌لره درین‌دن باخیشین قانون‌لاری اولدوغونو سؤیله‌دی.



ایلگیلی‌لی خبرلر