جمهور باشقانی اردوغان اصناف و صعنتکار شوراسیندا چیخش ائتدی
جمهور باشقانی رجب طیب اردوغان باشقالاریندان دستک آلان‌لار بونون بدلینی اؤدمه‌یه داوام ائده‌جک دیر دئدی.
جمهور باشقانی رجب طیب اردوغان باشقالاریندان دستک آلان‌لار بونون بدلینی اؤدمه‌یه داوام ائده‌جک دیر دئدی.
آنکارا تیجارت اوداسیندا کئچیریلن 5-جی اصناف و صعنتکارلار شوراسیندا چیخیش ائدن جمهور باشقانی دئدی کی "بیزیم تورکیه جمهوریتی دؤولتین‌دن باشقا دؤولتیمیز یوخ‌دور. هئچ کس باشقا حسابین ایچینه گیرمسین. باشقا حسابین ایچینه گیرنلر بونون جزاسینی اؤده‌یه‌جکدیر و اؤدییرلر. باشقالاریندان دستک آلان‌لار بونون بدلینی اؤدمه‌یه داوام ائده‌جک‌لر.
چیخیشیندا فتح الله چی ترور تشکیلاتینا (فتو) دا توخونان اردوغان دئدی کی، 15 ژوئیه‌دکی بو چئوریلیشه جهد اوغورلو اولسایدی فتو نه ائده‌جکدی؟ ساده‌جه اؤزونه بیعت ائدن‌لره حیات حاقی وئرن بو تشکیلاتین قاران‌لیق اوزونو آنلاماق اوچون هله نه قدر تجروبه یاشامالی‌ییق؟ فتونون " هیمت" آدی ایله اصناف و صعنتکارلاریمیزدان خراج ییغان، مادی باسقی ایله یاناشی معنوی تهدید آنلاییشی نه اخلاقی‌دیر نه ده ایسلامی دیر. بیزیم مدنیتیمیزده بئله بیر تشکیلاتلانمایا اصلا یئر یوخ‌دور.
15 ژوئیه فتونون گئرچک اوزونو گؤرمه‌میش اولان‌لار اوچون سون خبردارلیق اولدوغونو، بونا باخمایا‌راق هله ده تشکیلاتدا قالماقدا داوام ائدن وارسا اونلارین اینانجینا، اؤلکه‌سینه، میللتینه قارشی آچیق بیر خیانت ایچینده اولدوغونو قئید ائدن جمهور باشقانی عینی دورومون ترور تشکیلاتی پ.ک.ک اوچون ده کئچرلی اولدوغونو سؤیله‌دی.
پ.کا.کا-نین و سیویل اوزانتیلارینین پارلامنتو ایچینده کی اوزانتیلارینین تورکیه‌نین اونونو کسمک اوچون بیر آراج، تله اولا‌راق ایستیفاده ائدیلدیگی‌نین آچیق-آشکار گئرچک اولدوغونو ایفاده ائدن اردوغان بیلدیردی کی، اؤلکه‌سینی و میللتینی سئون هر کسین قارشی-قارشییا اولدوغوموز بو حساس دؤورده بوتون ایمکان‌لاری و گوجو ایله دؤولتینه صاحیب چیخماسی، اینانج، مذهب و رادیکال ایستیسمارچی‌لارا مانع اولماسی واجیب‌دیر. غرب قزئتلر ایله، ناظیرلری و باشقا واسیطه لرله تورکیه‌یه میدان اوخویور. بس، باشقان اولدوغوم پارتیم باغلاندیغی زامان سیز هاردایدینیز-دئیه دانیشدی.
