بینالی ییلدیریم غربین ترورلا باغلی ایکی اوزلی سیاستینه رئاکسیا گوستردی
باش ناظیر بینالی ییلدیریم دا غربین ترورلا باغلی ایکی اوزلی سیاستینه رئاکسیا گوستردی.
باش ناظیر بینالی ییلدیریم دا غربین ترورلا باغلی ایکی اوزلی سیاستینه رئاکسیا گوستردی.
عدالت و اینکیشاف پارتیسی‌نین تورکیه بؤیوک میللت مجلیسیندکی قروپ توپلانتی‌سیندا چیخیش ائدن باش ناظیر ترور تشکیلاتی پ.ک.ک-نین مهم گلیر منبع‌لرین‌دن بیری‌نین ده اویوشدوروجو تیجارتی اولدوغونا دقت چکدی.
تورکیه‌ده اویوشدوروجو ماده‌دن ایستیفاده ائتمه سویه‌سی‌نین اینکیشاف ائتمیش اؤلکه‌لرله مقایسه‌ده چوخ آز اولدوغونو وورغولایان بینالی ییلدیریم ترور تشکیلاتی‌نین اویوشدوروجو ماده ساتیشیندا اساس هدفین آوروپا‌لی گنج‌لر اولدوغونو دئدی.
باش ناظیر بیلدیردی کی، ترور تشکیلاتی پ.کا.کا-یا دستک اولان آوروپا‌لی دوست‌لاریمیزا بورا‌دان سلام دئییرم. ال چکین تورکیه‌نین حقوق مسئله‌سیله اوغراشمایی، گنج لیگینیزی، گلجک‌ینیزی زهرله‌ین پ.ک.ک اویوشدوروجو ماده تاجیرینه قارشی سؤز دئیین، بیر شئی سؤیله‌ین. بیزیم بو تورپاق‌لارداکی موباریزه‌میز ساده‌جه میللتیمیزین دینج‌لیگی، گوونلیگی اوچون یوخ، عینی زاماندا سیزین ده گلجک‌ینیزین موباریزه‌سی‌دیر.
دئموکراسی و اینسان حقوق‌لاری موضوع‌سوندا تورکیه‌یه درس وئرمه‌یه قالخان آوروپا‌لی‌لارین موضوع ترور اولدوقدا تامامیله ایکی اوزلو سیاستله جان و مال امنیتی گؤز آردی ائتدیگینی قئید ائدن باش ناظیر ییلدیریم اونو دا دئدی کی، آوروپا‌لی‌لار فتح الله چی ترور تشکیلاتی‌نین 15 ژوئیه‌ده‌کی چئوریلیش جهدی زامانی دئموکراسی درسینی کئچه بیلمه‌دیلر. چئوریلیشه جهد ائدن‌لری قورویوب، اونلارین زیان گؤرمه‌مه‌سی باره‌ده آچیقلاما‌لار وردیلر. بیر طرف‌دن پ.ک.ک ترور تشکیلاتی دئییرلر بیر طرف‌دن ده واجیب اولانی یئرینه یئتیرمیرلر. دیاربکیر شهرینده کئچن هفتکی سالدیریدا تروریستلرین بومباسی ایله حیاتینی ایتیرن آنا‌لار ایسه سس چیخارمیرلار.
بعضی‌لری‌نین آوروپا اتفاقی ایله تورکیه‌نین آراسینی آچماق اوچون داوام‌لی تبلیغات آپاردیغینا دقت چکن باش ناظیر تورکیه‌نین ایسه آوروپا ایله علاقه‌لرینی اینکیشاف ائتدیرمک‌دن طرف اولدوغونو وورغولادی.
