اردوغان:"بیرلشمیش میللت‌لر تشکیلاتی‌نین قاباقجیل رول اویناماسینی ایستریک"

جمهور باشقانلیغی مطبوعات مرکزین‌دن وئریلن آچیقلامادا، پرزیدنت اردوغان، بیرلشمیش میللتر تشکیلاتی‌نین یارادیلماسینین 71-جی ایل دونومو مناسیبت ایله بیر مئساژ یاییملادی.

اردوغان:"بیرلشمیش میللت‌لر تشکیلاتی‌نین قاباقجیل رول اویناماسینی ایستریک"

تورکیه پرزیدنتی رجب طیب اردوغان، تروریزمله موباریزه‌ده بیرلشمیش میللت‌لر تشکیلاتی‌نین قاباقجیل رول اویناماسینی ایستدیک‌لرینی ایفاده ائتدی.

جمهور باشقانلیغی مطبوعات مرکزین‌دن وئریلن آچیقلامادا، پرزیدنت اردوغان، بیرلشمیش میللتر تشکیلاتی‌نین یارادیلماسینین 71-جی ایل دونومو مناسیبت ایله بیر مئساژ یاییملادی.

پرزیدنت اردوغان، مئساژیندا،"یالنیز اؤلکه‌میزین دئییل، بوتون اولوسلار آراسی جمعیتین گوونلیگی باخیمین‌دان تهدید یارادان داعش،القاعده، پ.ک.ک، پ.ی.د / ی.پ.گ، د.ح.ک.پ-ج و فتو کیمی ترور تشکیلات‌لاری ایله گوجلو موباریزه اوچون بوتون ب.م.ت عضوو اولان اؤلکه‌لرین گؤسترمکده اولدوغو همرای‌لیگین داوام ائتمه‌سینی آرزو ائدیریک." ایفاده‌لرینی ایشلتدی.

تورکیه‌نین ده قوروجولاری آراسیندا یئر آلدیغی بیرلشمیش میللت‌لر تشکیلاتی‌نین 71-جی قورولوش ایل دؤنومونون میللت و بوتون اینسان‌لیق اوچون خیرلی اولماسینی آرزو ائدن پرزیدنت اردوغان، یارادیلیشیندان بو طرفه بیرلشمیش میللتلرین و اونون تمثیل ائتدیگی دیرلرین ان گوجلو مودافیچی‌لری آراسیندا یئر آلان تورکیه‌نین، قلوبال باریش و گوونلیگین تامینی، آرابولوجولوق، قالخینما، اینسانی یاردیم، چئوره و مدنیت‌لر اتفاقی کیمی مهم ساحه‌لرده چوخ اهمیت‌لی رول‌لار بوینونا گؤتوردوگونو بیلدیردی.

بیرلشمیش میللتر تشکیلاتی‌نین بودجه‌سینه قاتقیلارینی سون ایللرده موتمادی اولا‌راق آرتیران تورکیه‌نین بیر طرف‌دن ده قاره لرین و مدنیت‌لرین قووشاغیندا یئرلشن ایستانبول-و بیرلشمیش میللتر تشکیلاتی‌نین مرکزی حالینا چئویرمک اوچون چوخ چالیشدیغینی وورغولایان اردوغان، قدیم تاریخی، زنگین کولتوره ل تجروبه‌سی، ایستراتژی مؤوقعی و طبیعی گؤزل‌لیک‌لری ایله ایستانبول-ون بیرلشمیش میللتر تشکیلاتی‌نین مرکزی اولا‌راق تشکیلاتین میسیونونا و هدف‌لرینه چوخ دیرلی تؤهفه‌لر وئره جگینی بیلدیردی.

اردوغان، تورکیه‌نین، سوریه و عیراق-دا یاشانان اینسان‌لیق فاجعه‌سی قارشی‌سیندا اوچ میلیون قاچقینا گؤستردیگی قوناق‌پرورلیک ایله قلوبال وجدانین سسی اولدوغونو دا بیلدیردی.  



ایلگیلی‌لی خبرلر