تورکیه‌دن آمریکایا تپکی

آمریکا دونانماسی، قورولوشونون 241.جی ایل دؤنومو سببین‌دن سوسیال مئدیا حسابین‌دان، الینده تورک بایراغییلا دؤیوشن عسگرلرین اؤلدورولدوگونو گؤسترن تمثیلی بیر تابلو پایلاشمیشدی

590030
تورکیه‌دن آمریکایا تپکی

تورکیه، آمریکا دونانماسی‌نین سوسیال مئدیادا، تورک عسگرلری ساواشینی تمثیل ائدن تاریخی بیر تابلو پایلاشماسینا اعتیراض ائتدی.

خاریجی ایشلر باخانلیغی یئتکی‌لی‌لری، آمریکا دونانماسی‌نین تویتردن آمریکا‌لی دنیزچی‌لرین تورک عسگرلری ایله ساواشینا باغلی تمثیلی بیر تابلو پایلاشیمی اوزرینه آمریکا‌لی قونومداشلارییلا گؤروشدو.

باخانلیق، آمریکانین آنکارا ائلچیسی جون باسا بونونلا ایلگیلی دویولان درین راحاتسیز‌لیغی چاتدیرا‌راق، پایلاشیمدا تورک بایراغی‌نین ایستیفاده ائدیلمه‌سی‌نین و شکیلده تصویر ائدیلن وضعیتین قبول ائدیله‌بیلمز اولدوغونو وورغولادی. اورتایا چیخان پروبلئمین آرا‌دان قالدیریلماسی اوچون درحال آددیم آتیلماسی لازیم اولدوغونو بیلدیرن باخانلیق، دوروما اعتیراض ائتدی.

تورکیه‌نین واشینگتون ائلچیسی سردار قیلیچ دا آمریکا‌لی قونومداشلارییلا تماسا گئچه‌رک، آنکارانین وضعیته تپکیسینی دیله گتیردی و پایلاشیمین  در حال قالدیریلماسینی طلب ائتدی.

آمریکا دونانماسی، قورولوشونون 241.جی ایل دؤنومو سببین‌دن سوسیال مئدیا حسابین‌دان ائتدیگی پایلاشیمدا، الینده تورک بایراغییلا دؤیوشن عسگرلرین اؤلدورولدوگونو گؤسترن تمثیلی بیر تابلونون ایستیفاده ائدیلمه‌سی گئنیش تپکی اویاندیرمیش، تپکیلر اوزرینه پایلاشیم قالدیریلمیشدی.



ایلگیلی‌لی خبرلر