اردوغان قراری گئجیکمیش آددیم اولاراق دیرلندیردی
تورکیهنین دؤولت باشچیسی رجب طیب اردوغان ترور تشکیلاتی پ.ک.ک- ک.ج.ک و فتح الله چی ترور تشکیلاتینا (فئتو) کؤمک و دستک وئرنلرین سوروشدورمالاری نتیجهسینده ایشدن چیخاریلان 28 بلدیه صدرینین یئرینه قییم آتنماسینی گئجیکمیش آددیم اولاراق دیرلندیردی.
رجب طیب اردوغان قوربان نامازینی نوهلری عمر طیب اردوغان و احمد آکیف آلبایراک ایله ایستانبولدا مئشه بولگه مودیرلیگی ایچریسینده کی فاتح مئشهسی مسجیدینده قیلدی.
28 بلدیه صدرینین یئرینه قانون حکمینده قرار نامه ایله یئنی فرمانلارینین وظیفه قرارلارینین داها اول وئریلمهسی لازیم اولدوغونو دئین دؤولت باشچیسی بلدیه خیدمتینین بوندان سونرا چوخ یاخشی وئریلهجگینه اینامینی دیله گتیردی.
بایرام نامازینی ایستانبولون اوسکودار منطقه سینده کی مارمارا اونیورسیتهسی ایلاهیات فاکولتهسی تاتبیکات مسجیدینده قیلان باش ناظیر بینالی ییلدیریم دا مؤضوع ایله باغلی دانیشدی: "تأسف کی، بعضی بلدیهلر ترور تشکیلاتینین سانکی مرکزی حالینا گلیب. دؤولتین قایناقلارینی، میللتین وئرگیلرینی، شهرین، قصبهنین ، دیارین گؤزللشمهسی اوچون آیریلان پوللاری ترور تشکیلاتینا وئرمکله مشغولدور. وظیفهسیندن گؤتورولن بلدیهلرین هامیسی بو وضعیتده ایدی. بونلار ائدیلن سوروشدورمالار نتیجهسینده اورتایا قویولموش حقیقتلردیر. بو سببدن بعضیلرینین تورکیهیه دئموکراسی درسی وئرمهسینی اصلا قبول ائتمک مومکون دئییل."
داخیلی ایشلر ناظیری سلیمان سویلو موش شهرینده بایرام نامازینی قیلدیقدان سونرا بو بارهده بئله دئدی: سئچیلمک حقوقون و دئموکراسینین غصب ائتمک معناسینی وئرمیر، عکسینه، حقوقو محافظه ائتمک دئمکدیر.
میللیتچی حرکات پارتیسینین (م.ه.پ) صدری دؤولت باغچالیدا پارتیسینین قوروجوسو آلپ آصلان تورکشین مزارینی زیارت ائتدیکدن سونرا ژورنالیستلره وئردیگی شرحده بلدیه صدرلری اوچون وئریلن قرارلاری ترورلا موباریزه شرایطینده دوغرو آددیم کیمی دیرلندیردی.
