مولود چاووش اوغلو لیتوانی خاریجی ایشلر ناظیری ایله گؤروشدو
تورکیهنین خاریجی ایشلر ناظیری مولود چاووش اوغلو لیتوانی خاریجی ایشلر ناظیری لیناس لینکویجیوس ایله اورتاق مطبوعات کونفرانسی کئچیردی.
تورکیهنین خاریجی ایشلر ناظیری مولود چاووش اوغلو غازی آنتپ ترور هوجومو و فتحاللهچی ترور تشکیلاتی/پارالل دؤولت یاپیلانماسینین (فئتو/پ.د.ی) قولدورباشیسی فتحالله گولهنین اعادهسی ایله باغلی معلومات وئردی.
چاووش اوغلو: "داعشه ان بؤیوک ضربنی بیز ووردوق، اونا گؤره رجب طیب اردوغان بیرینجی هدف اولدو" دئدی.
خاریجی ایشلر ناظیری مولود چاووش اوغلو لیتوانی خاریجی ایشلر ناظیری لیناس لینکویجیوس ایله اورتاق مطبوعات کونفرانسی کئچیردی.
غازی آنتپ 54 اینسانین هلاک اولدوغو ترور هوجومو و فئتو/ پ.د.ی-نین قولدورباشیسی فتحالله گولهنین اعادهسی ایله باغلی معلوماتلار وئرن خاریجی ایشلر ناظیری چاووش اوغلو :"ترور تشکیلاتلاری ایله سونا قدر موباریزه آپاراجاغیق. سرحدیمیز داعشدن تامامیله تمیزلنمهلیدیر. داعشه ان بؤیوک ضربنی بیز ووردوق، اونا گؤرهده ،رجب طیب اردوغان بیرینجی هدف اولدو" دئدی.
تورکیهنین خاریجی ایشلر ناظیری مولود چاووش اوغلو : "آمریکانین نماینده هئیتی بو آخشام گلیر. معلوماتلار، سندلر پایلاشیلاجاق. بیدینین گلمهسی موهوم اهمیت کسب ائدیر. ایش تام حاضر اولدوقدان سونرا عدالت ناظیری بکر بوزداغ ایله بیرلیکده واشینگتونا گئتمگی پلانلاشدیریریق. آمریکادان گؤزلنتیمیز تروریستین اعاده ائدیلمهسیدیر" دئیه دانیشدی.