ابراهیم کالین : "بروکسل‌ده بیر پروبلئمی وار"
ابراهیم کالین مرکزی قرارگاهی بروکسل‌ده یئرلشن "Politico" مئدیا قورولوشو اوچون یازدیغی “بروکسل‌ده بیر پروبلئمی وار" باش‌لیقلی مقاله‌سینده آوروپا اتفاقی‌نین 15 ژوئیه قانلی چئوریلیش جهدیندن سونرا نوماییش ائتدیردیگی موقعیی سرت شکیلده تنقید ائتدی.
دؤولت باشچی‌سی‌نین سؤزجوسو ابراهیم کالین آوروپا اتفاقی‌نین فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) 15 ژوئیه‌ده کی چئوریلیش جهدیندن سونرا تورکیه‌یه قارشی اورتایا قویدوغو رفتارین اتفاقا اوزولوک پروسئسینه دستک اولان تورک وطنداش‌لاری‌نین بئله اومیدلرینی پوچا چیخاردیغینی بیلدیردی.
ابراهیم کالین مرکزی قرارگاهی بروکسل‌ده یئرلشن "Politico" مئدیا قورولوشو اوچون یازدیغی “بروکسل‌ده بیر پروبلئمی وار" باش‌لیقلی مقاله‌سینده آوروپا اتفاقی‌نین 15 ژوئیه قانلی چئوریلیش جهدیندن سونرا نوماییش ائتدیردیگی موقعیی سرت شکیلده تنقید ائتدی.
ابراهیم کالین مقاله‌سینده تورکیه‌ده یاشانان اوغورسوز چئوریلیش جهدی‌نین ساده‌جه تورک خالقی اوچون دئییل تورکیه-آوروپا اتفاقی علاقه‌لری باخیمین‌دان دا دؤنوش نقطه‌سی اولدوغونو وورغولادی.
کالین مقاله‌سینده قئید ائدیب کی، آوروپا اتفاقی اؤزونو دموکراسی، اینسان حاق‌لاری و حقوقون اوستونلوغونون صاحبی کیمی گؤستریر، اما هر هانسی آدای اؤلکه‌ده دموکراسی‌یه قارشی یاشانان ان بؤیوک هوجوما ضعیف رئاکسیا گؤستره‌رک خیال قیریقلیغی یاشاتدی‌لار. چئوریلیش جهدینی 1980-جی ایللردن بری‌دیر قوروم‌لارا سیستملی شکیلده سیزان فتح الله گوله‌نین طرفدارلاری‌نین پلانلاشدیردیغی و حیاتا کئچیردیگینه دایر گوجلو دلیل‌لر الده ائدیلمیش‌دیر. دیندار و یا خود لائیک، محافظه کار یا خود لیبرال اولسون تورک خالقی‌نین اکثریتی فئتو/پ.د.ی عضو‌لری‌نین چئوریلیش جهدی‌نین آرخاسیندا اولدوغونو، پنسیلوانیادا یاشایان بو ترور تشکیلاتی‌نین قولدورباشی گوله‌نین تورکیه‌یه قایتاریلا‌راق محکمه قارشی‌سیندا حساب وئرمه‌سی‌نین واجیب‌لیگینی دوشونور.
تورکیه‌نین هر زامان اولدوغون‌دان داها گوجلو و بیرلیک-برابرلیک ایچینده اولدوغونو بیلدیرن کالین مقاله‌سینده "تأسف کی، بروکسل بو بیرلیک-برابرلیک روحونو هدفدن یاییندیرمیش کیمی گؤرونور.
ابراهیم کالین بیلدیریب کی، تورکیه ایندیدک پ.ک.ک و داعش اولماقلا ایکی بؤیوک ترور تشکیلاتی ایله موباریزه آپاریردی. 15 ژوئیه چئوریلیش جهدیندن سونرا اوچونجو بیر ترور تشکیلاتی ایله قارشی-قارشییا اولدوغوموز آچیق-آشکار اورتایا چیخدی. تورکیه‌دن بو موباریزنی تک باشینا آپارماسینی گؤزلمک نه حقیقت‌لرله اوست-اوسته دوشر نه ده اخلاق باخیمین‌دان دوزگون‌دور. آوروپا‌لی و آمریکا‌لی موتتفیق‌لریمیز بیزه لازم اولان دستکی گؤسترمه‌لی‌دیر.
