تورکیه لتونی اوچون اهمیتلی اؤلکهدیر
لتونی خاریجی ایشلر ناظرلیگی آنکارایا رسمی مکتوبوندا ایکی اؤلکه آراسینداکی علاقهلرین یوکسک سویهده اولدوغونا دقتی چکیب.
لتونی خاریجی ایشلر ناظرلیگی آنکارایا رسمی مکتوبوندا ایکی اؤلکه آراسینداکی علاقهلرین یوکسک سویهده اولدوغونا دقتی چکیب.
مکتوبدا قئید اولونور: "ایکی اؤلکه آراسیندا مدنیت، تحصیل، مدافعه، تهلوکهسیزلیک و موختلیف ساحهلرده امکداشلیق آپاریلیر. تورکیه لتونی اوچون چوخ اهمیتلی اورتاق اؤلکهدیر. لتونی تورکیه ایله ناتو چرچیوهسینده امکداشلیغی مثبت دیرلندیریر و تورکیهنین لتونینین کئچمیش سووئتلر بیرلیگینین ایشغالیندا اولماسینی هئچ بیر زامان قبول ائتمهمهسینی اونوتمایب و بونو اورکدن آلقیشلاییر".
بو آرادا لتونینین آنکاراداکی سفیری وظیفهسینه پتریس کارلیس تعیین ائدیلدی. لتونی پرزیدنتی یئنی تعیین اولونموش سفیری رسمی مراسیمله قبول ائتدی، تاپشیریق و توصیهلرینی وئردی.
1999-جو ایلدن لتونی خاریجی ایشلر ناظیرلیگینده چالیشان واشینگتون اونیورسیتتینین ماضونو کارلیس، 2012-جی ایلده لتونینین آنکاراداکی سفیری وظیفهسینی ایجرا ائدن آتیس سژانیتسین یئرینه گلجک.