اردوغان، کودتا گیریشیمی قارشی‌سین‌دا تورکیه‌یه دستک وئرمه‌یه‌ن اوروپانی آغیر دیلله تنقید ائتدی

اردوغان، ''15 ژوئیه گئجه‌سی کودتا تشببوسو اولدو. 18 ژوئیه‌ده ایسه آلمانیا باشباخانی آنگلا مرکل تلفون ائتدی. 'یاشانانلارین بیزی ناراحاتلیغا سؤوق ائتمه‌یه‌جک شکیل‌ده اولماسی' معناسیندا بیر ایفاده‌ ایستیفاده ائتدی. '' دئیه دانیشدی.

551213
اردوغان، کودتا گیریشیمی قارشی‌سین‌دا تورکیه‌یه دستک وئرمه‌یه‌ن اوروپانی آغیر دیلله تنقید ائتدی
cumhurbaşkanı alman televizonu rtl1.jpg

تورکیه پرزیدنتی رجب طیب اردوغان، 15 ژوئیه کودتا گیریشیمی قارشی‌سین‌دا تورکیه‌یه کیفایت قدر دستک وئرمه‌یه‌ن اوروپانی آغیر دیلله تنقید ائتدی.

پرزیدنت اردوغان، آلمان RTL کانالینا ائتدیی آچیقلاما‌دا، فتح الله چی ترور تشکیلاتی پارالل دولت یاپیلانماسی'نین (فتو / پ.د.ی) 15 ژوئیه‌ده کودتا گیریشیمی و اوروپا بیرلیگینین توتومو، ویزا آزاد و آلمان محاکیمه‌سی حاقین‌دا قیمتله‌ن‌دیرمه‌لرائتدی.

اوروپایا، کودتا تشببوسویله تورک دموکراسی سینا ائدیله‌ن هوجوما قارشی تورکیه‌یه کیفایت قدر دستک وئرمدیگی تنقیدینی یؤنلدن اردوغان،

''15 ژوئیه گئجه‌سی کودتا تشببوسو اولدو. 18 ژوئیه‌ده ایسه آلمانیا باشباخانی آنگلا مرکل تلفون ائتدی. 'یاشانانلارین بیزی ناراحاتلیغا سؤوق ائتمه‌یه‌جک شکیل‌ده اولماسی' معناسیندا بیر ایفاده‌ ایستیفاده ائتدی. طبیعی بونلار بیزی اوزور. اینتیقام احتیراصی ایله بیر شئی ائتمیریک. '' دئیه دانیشدی.

کودتا گیریشیمینه قارشی اوروپانین یانلارین‌دا اولماسینی گؤزلدیکلرینی دیله گتیره‌ن اردوغان، پاریس‌ده ترورا قارشی بیر آرایا گلن اوروپالیلاردان، عینی شئیی تورکیه اوچون گؤزلدیکلرینی، اوروپا اؤلکه‌لرینین ان آزین‌دان بیر نماینده گؤندرمک لازیم اولدوغونو آنجاق بونون ائدیلمدیگینی وورغولادی.

فتو'نون کودتا گیریشیمی سببیله 240 وطنداشین اؤلدوغونه، 2 مین‌دن چوخ وطنداشین دا یارالاندیغینا دقتی چکه‌ن اردوغان،

"تورک دموکراسیسینا ائدیله‌ن بو هوجومون آردین‌دان یالنیز اوروپا شوراسینین باش کاتیبی، بیر اوروپا ناظیری و قطر خاریجی ایشلر ناظیری گلدی. بونون بئله اولماسین‌دان کدرلنیریک. '' ایفاده‌سینی ایستیفاده ائتدی.

پرزیدنت اردوغان، آلمانیانین کؤلن شهرین‌ده ایکی هفته اوّل کئچیریله‌ن کودتا علئیهداری میتینگ'ه تلکونفرانسلا باغلانماسینا آلمانیا آنایاسا محکمه‌سینین ایجازه وئرمه‌مه‌سینی ده تنقید ائد‌رک، '' من آلمان محاکیمه‌سینه بو نقطه‌ده حؤرمت ائتمیرم. '' دئدی.

ویزا معافیتی و اوروپا بیرلیگی-تورکیه آراسین‌داکی 'گئری قبول راضیلاشماسی' موضوعسونا دا توخونان پرزیدنت، اوروپانین ویزا معاافیتی موضوعسون‌دا وئردیگی سؤزو یئرینه گتیرمدیگینی، عینی واخت‌دا اولاراق تورکیه‌نین ده گئری قبولو یئرینه گتیرمیه جگینی قید ائتدی.

اؤزونون وظیفه‌سینین دوغرولاری سؤیله‌مک اولدوغونو ایضاح ائد‌ن اردوغان، اوروپا بیرلیگی-نین تورکیه‌نی ۵۳ ایلدیر مختلیف موضوعلاردا اویالاماسینین قبول ائدیله بیلمز اولدوغونون دا وورغولادی.

تورکیه‌نین سوری یه مرزین‌ده یاشانانلارا دا توخونان پرزیدنت اردوغان، چتین‌لیکلرله باغلی ناتو-نون تورکیه‌نی تک بوراخدیغینی دیله گتیردی.

سوریه طرفین‌دن آتیلان بومبالار نتیجه‌سین‌ده اینسانلارین اؤلدویونو ایفاده ائد‌ن پرزیدنت، بو گون ده اولماسا، نه زامان ناتو-نون تورکیه‌نین یانین‌دا اولاجاغینی قید ائتدی.

سوریه نین حلب شهرینه ده دقت چکه‌ن پرزیدنت، حلب شهرینین خالقینا اینسانی یاردیمین گؤندریلمه‌سی پروبلمینین بیر آن اوّل حل ائدیلمه‌سی لازیم اولدوغونا وورغو ائتدی.

اردوغان، روسییا زیارتین‌ده دولت باشقانی ولادیمیر پوتین ایله گؤروشون‌ده سوریه نین حلب شهرینی گونده‌مه گتیردیکلرینی بیلدیریب.

بؤلگه سل خالقینی قورومانین اهمیتینه ایشاره ائد‌ن اردوغان،

"کوریدورلار اولاجاق. اینسانی یاردیم گؤندریلمه‌سی اوچون گئچیش کوریدورلاری اولاجاق. روسیانین دستگی ایله بو پروبلمی حلّ ائتمیش اولاجاغیمیزا اینانیرام." دئدی.



ایلگیلی‌لی خبرلر