فئتو/ پ.د.ی قولدورباشینین آمریکادا ژانویه آییندا آشکارلانان خاین اوزو
فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی) قولدورباشینین آمریکادا ژانویه آییندا آشکارلانان خاین اوزو
واشنگتن تایمزدا فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی) قولدورباشی فتح الله گولن ایله باغلی درج اولونان مقاله نین تام متنی.
گولن حرکاتی آمریکا و تورکیه اوچون تهلوکه اولماقدا داوام ائدیر.
هئچ کیم اؤزونون بوتون شوبههلی ایشلرینین دونیایا سپهلهنهجگی او آن " Cosby " آنینی یاشاماق ایستهمز. گولن حرکاتینین تارتیشیلماز لیدری اولان فتح الله گولن یاخین گونلرده فدرال تهلوکهسیزلیک بوروسونون (FBI) معرفتی ایله اوزلشدی.
مملکتی تورکیه اولان مسلمان دین آدامی گولن یالنیز اورتا مکتب مهضونودور. چوخ سیررلی بیر کیشیدیر. “Wikileaks” طرفیندن ایفشا ائدیلن یازیشمالاردا آمریکا خاریجی ایشلر لیگی گولنی "رادیکال ایسلامچی" آدلاندیرمیش و "ملایم دانیشیغینین آلتیندا ایرنج، پیس نیتلی و رادیکال بیر پلانی یاتیر" قئید اولونور. اونون ثروتینین 25 میلیارد دلار اولدوغو،اما گولهنین چوخ میقداردا اولان بو پولون هارادان قازاندیغی دا معلوم دئییل. آمریکا خاریجی ایشلر ناظیرلیگینین فیکیرینه قارشی اولاراق ان چوخ دقتی چکن طرفی اونون خوش گورو و چوخ مدنیتلی قانونلاری منیمسمهسیدیر. لاکین داها دریندن دقت ائدیلدیکده اونون رادیکال ایسلامچی اولدوغو، آمریکا و تورکیهنی شریعت ایله ایداره اولونان اؤلکهلره چئویرمک مقصدینی گوددوگونو گؤرمک مومکوندور.
گولن امریکادا غیری عادی اولاراق سورگون حیاتی یاشاماقدادیر، لاکین اورادان شوبههلری ایله دقتی چکن سؤزلشمهلی مکتبلر، بیر- بیری ایله علاقهلی منفعت گودمهین تشکیلاتلاری و موسسهلرین ایچینده اولدوغو گئنیش بیر شبکهنی ایداره ائتمکدهدیر. آمریکا و تورکیهده کی موافق قوروملارین آراشدیرمالارینا گؤره گولن آمریکانین اورتا شرقده صاحب اولدوغو نادیر ثابت موتتفیقلریندن بیری ناتو عضوو و داعشی یوخ ائدیب عراق و سوریهده صلحو تامین ائتمک مقصدیله موباریزه آپاران تورکیهده دموکراتیک یوللا سئچیلن حکومتی آچیق شکیلده تحریک ائتمکدهدیر و چئویرمک اوچون پلان حیاتا کئچیرتمکدهدیر.
آمریکاداکی ان بؤیوک سؤولشمهلی مکتبلر شبکهسینه صاحب اولان گولن وئرگی اؤدییجیلریندن میلیونلارلا دلار الده ائدیر. گولن مکتبلرینین مالیه فیریلداقچیلیقلاری ایله باغلی سوروشدورمالار تگزاس، لوویزیانا، ایللینویس، اوهایو و دیگر ایالتلرده حاضردا داوام ائتمکدهدیر و بو سوروشدورمالار اف بی آی داخیلینده حیاتا کئچیریلیر. دؤولت و یئرلی تهلوکهسیزلیک اورقانلارینین راپورلارینا گؤره گولن حرکاتی اونا بیرباشا باغلی اولان و منفعت گودمهین تشکیلات و شرکتلرله دانیشیقلار آپاریر، وئرگی اؤدییجیلریندن الده ائتدیگی گلیرلرله ساختاکارلیق ائتمکدهدیر. گولن مکتبلری فتح الله گولهنین صاحب اولدوغو اراضیلرده یوکسک ایجاره حاقلاری اؤدییر، گولنه عایید تاسیسلرین تیکینتی و آبادلیق ایشلری گولن شرکتلری طرفیندن حیاتا کئچیریلیر و گنج تورکلرین آمریکایا گیریشینی آسانلاشدیرماق اوچون یوکسک مبلغلر صرف اولونور.
هامیسی مرید اولان بو گنجلر تخصص و تجربه صاحبی اولان آمریکالی معلملرین یئرینی آلماق اوچون گتیریلیر. ادعالارا گؤره آمریکا اوشاقلارینی ایسه مرکزده تورکیهنین یئرلشدیگی ایسلامچی حرکاتا قوشماغا چالیشیر. بو ایسلامچی حرکات بیر نوع بئشینجی قول رولونو اویناییر، اوشاقلار واسطهسی ایله آمریکا توپلومانا سرایت ائدهرک آمریکا، تورکیهده تطبیق ائتمک ایستهدیگی کیمی، شریعت ایله ایداره اولونان بیر دؤولته چئویرمهیه چالیشیر. بو شخصلر 5 میندن چوخ مباحثهلیH-1B ویزاسینا ( قاچقین لارا وئریلن ویزا) صاحبدیر کی، بو رقم ایسه " Google" دا ویزا صاحبی اولانلارین ساییندان چوخدور. بونا گؤره ده گولن حرکاتی اوچون موقاویلهلی شکیلده ایشلهینلردن شوبههلنیلیر، اینسان آل- وئرینین قارشیسینین آلینماسی قانونلاری چرچیوهسینده ایفادهلری آلینماقدادیر.
بئلهلیکله فتح الله گولن پنسیلوانیا اورتا بولگه محکمهسینده آچیلان گولن و حرکاتینین تورکیهده سیاسی پارتی عضولرینه قارشی و اینسان حقوقلارینین پوزولماسی ایله باغلی ادعا ایله چارپیشماقدادیر. محکمه گولهنین بو و یا دیگر اتهاملارلا علاقهدار محاکمه اولونماسی اوچون قایتاریلماسینی طلب ائدیر.
گولن حرکاتی تورکیهده آنایاسادا دییشیکلیک ائتمک و دموکراتیک یوللارلا سئچیلمیش حکومتی دئویرمک مقصدی ایله حاکمیتین، مئدیانین، اجتماعی فعالیتین، پولیس اورقانلاری و دیگر تهلوکهسیزلیک قوهلرینه سیزاراق ایستکلرینی موختلیف جهدلرله حیاتا کئچیرتمهیه جهد ائتدیگی اوچون سوروشدورما آلتیندادیر. گولن حرکاتی طرفیندن مانیپوله ائدیلمیش تورک ساوجیلار، پولیسلر، یوکسک روتبهلی حربچیلر نظارته آلینیب، قانون چرچیوهسینده بارهلرینده کی ایشه باخیلیر.
گولن حرکاتی یئنه آمریکادا اولدوغو کیمی، تورکیهده ده اؤزونو تحصیل سیستمینین داخیلینه یئرلشدیریر، اوشاقلاری مکتبلری واسطهسیله رادیکاللاشدیریر و اونلارین تورکیهنین مدرنلشمه سیاستینی گؤزدن یاییندیرمالارینی تامین ائدیر- عینی ایله دیگر میللتلرده مدرهسهلرین ائتدیگی کیمی.
اف بی آی دؤولت و یئرلی قانونوئریجیلیکله گولن حرکاتینین گئنیش سؤزلشمهلی مکتبلر شبکهسی آمریکا وئرگی اؤدییجیلرینی دولاندیردیغی ادعاسینی آراشدیرماسینا باخمایاراق خصوصیله ده بو مکتبلرده آمریکالی اوشاقلارا تحصیل وئرن تورک معلملرین مقصدلرینین آد قویماق لازیم گلرسه، آمریکالی طلبهلرین ایسلامی دوکترینه کئچهرک دین دییشدیرمهلری آراشدیریلیب اورتایا چیخاریلمالیدیر. چونکی چوخ سایدا بو تخصصده معلم وار.
گئوسیاسی ایستیقامتدن باخیلیرسا، گئنیشلدیلمیش بیر سوروشدورما آمریکا خاریجی ایشلر ناظیرلیگی فتح الله گولن حاقیندا اونسوز دا بیلدیگی شیلری اورتایا چیخاراجاق - ملایم دانیشیغینی داها مرحمتلی شکیلده عکس ائتدیریب، رادیکال ایسلامچی یؤنونو گیزلتدیگی کیمی. بوندان باشقا احتیماللارا گؤره فتح الله گولهنین تورکیه حکومتینی دئویرمهسی جهدی و موفقیتلی اولاجاغی تقدیرده تورکیهنی آمریکا ماراقلارینا ضد بیر ایستیقامته آپاراجاغی آیدینلاشاجاقدیر. دوغروسو، آمریکا دونیانین یوکسک مؤوقعینی توتان بیر بؤلگهسینده یئر آلان ناتو موتتفیقلیگینده گولئنیست بیر رژیمه احتیاجی یوخدور.
مؤلف: "آبراهام واگنر"
او، کلمبیا حقوق مکتبی و کمبیا اونیوئرسیتئتینین اوسلار آراسی و اجتماعیت ایله علاقهلر مکتبینده میللی تهلوکهسیزلیک قانونو و کشفیاتینی اؤیرهدیر. مؤلف همچنین سالتزمان اینستیتوتو ساواش و باریش ایشلرینده تجروبهلی آراشدیرماچیدیر.