آمریکا‌لی ژورنالیست حبس ائدیلدی

تورکیه‌نین هاتای ویلایتی‌نین آلتینؤزو قصبه‌سینده سوریه‌دن غیری-قانونی یول‌لاردان تورکیه‌یه گیرمه‌یه چالیشان آمریکا‌لی ژورنالیست سنلل لیندستیلر حبس ائدیلدی.

هاتای ویلایتی‌نین والیسی ارجان توپاجا ایکی گون اول سرحده یاخینلاشان آمریکایا مخصوص هلیکوپترلرین آمریکا‌لی ژورنالیستی گؤتورمک اوچون گلدیگینی سؤیله‌دی.

والی توپاجا دئدی کی، آمریکا‌لی بیر ژورنالیست سرحددن کئچمک ایستیرکن یاخالاندی، محکمه‌یه چیخاریلدی و حبس ائدیلدی. موحاکیمه پروسئسی داوام ائدیر، جاسوس اولوب اولمادیغینی هله ده بیلمیریک. سرحده گلن هلیکوپترلر ژورنالیستی گؤتورمک اوچون گلمیشدی. هلیکوپتر سرحدین قارشی‌سیندا دئیه آختاریردی، یعنی تورکیه‌یه داخیل اولا‌جاق دئیه گؤزلییردی. طبیعی اونلارین گؤزلدیگی زامان گلیب چاتمادی. ارته‌سی گون گلدی، بیز یاخالادیق، محکمه‌یه چیخاریلدی و حبس ائدیلدی. سوریا‌دان تورکیه‌یه کئچرکن آلتینؤزو سرحد منطقه‌سینده یاخالاندی. ژورنالیستین آدی سنلل لیندستیلردیر. آمریکا‌لی‌دیر و تورکیه‌ده موقتی یاشادیغینا دایر سندی وار.