قلبیمیز ایستانبولدا دؤیونور!

فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی) ژوئیه‌نین 15-ده کی دؤولت چئوریلیشی جهدین‌دن سونرا گونلرجه داوام ائدن "دموکراسی کئشیگی"نین فینا‌لی ایستانبولون یئنی‌قاپی مئیدانیندا اولا‌جاق.

یئنی‌قاپی‌دا کئچیریله‌جک و 3 میلیون‌دان چوخ اینسانین ایشتیراکی‌نین گؤزله‌نیلدیگی میتینگده دؤولت چئوریلیشینه قارشی بیرلیک و برابرلیک نوماییش اولونا‌جاق.

دموکراسی و شهیدلر میتینتگی‌نین کئچیریله‌جگیی مئیدان ساعت‌لار اول گلن یوز مین‌لرله واطنداش طرفیندن دولدورماغا باشلاندی.

یئنی‌کاپی‌دا مترو ایستگاهی‌نین دیوارلارینا چئوریلیش جهدینده شهید اولان‌لارین شکیل‌لری آسیلدی.

جومهور باشقانلیغی‌نین حمایه‌سینده کئچیریله‌جک تاریخی میتینگده اؤلکه‌نین باش ناظیری بینالی ییلدیریم، جومهوریت خالق پارتی‌سی‌نین صدری (ج.ه.پ) کمال کیلیچداراوغلو و میللیتچی حرکات پارتی‌سی‌نین صدری (م.ه.پ) دؤولت باغچا‌لی ایشتیراک ائده‌جک‌لر.

تورکیه سلاحلی قوه‌لری‌نین باش قرارگاه رئیسی ژنرال خلوصی آکاردا میتینگ مئیدانیندا اولا‌جاق.

"دئموکراسی و شهیدلر میتینگی"نه تورکیه‌نین اینجه صنعت و ایدمان ساحه‌سینه عایید نماینده‌لری‌نین ده ایشتیراکی گؤزلنیلیر.

تاریخی گؤروش اوچون یوکسک سویه‌لی تهلوکه‌سیزلیک تدبیرلری گؤرولوب.

مئیداندا15 مین پولیس و15 مین تهلوکه‌سیز قوه‌لری‌نین اکمکداشی اولا‌جاق.

میتینگه گلن‌لر مئیدانا 3 اساس قاپی‌دان یوخلاما‌دان کئچه‌رک داخیل اولا‌جاق‌لار.

علیل‌لر اوچون آیری قیریش قاپی‌لاری معین‌لشدیریلیب.

خالقی مئیدان‌لارا داشیماق اوچون 7 مین اتوبوس آیریلیب.

دنیز یولو ایله ده 12 منطقه‌دن ساحه‌یه قیریش تامین اولونا‌جاق. 50 سو نقلیات واسطه‌سی گون بویو سفرلر ائده‌جک.

میتینگ ساحه‌سینده 728 طب ایشچی اولا‌جاق.

میتینگده 239 شهیدی تمثیل ائدن 239 نفرلیک مهتر کونسرت وئره‌جک.

بو آرادا، دموکراسی و شهیدلر میتینگی" اوچون دؤولت باشچی‌سی رجب طیب اردوغان و باش ناظیرین توریترحسابلاریندان‌‌دا چاغیریش ائدیلدی.