تورکیه مجلیسینین آلمان فدرال مجلیسینین 1915 حادثهلری قونوسوندا قرارلاییحهسی ایله باغلی بیلدیریسی
عصرلر باریش ایچینده یاشامیش ایکی میللت و ایندی بیر-بیرینه قونشو ایکی دولتین دوستلوق و امکداشلیق ایچینده اورتاق بیر گلهجگی پایلاشماسی، تاریخه عدالتلی حافیظه پرسپکتیویندن باخیلماسییلا مومکوندور
تورکیه بؤیوک میللت مجلیسی خاریجی ایشلر کومیسیونو
تورکیه بؤیوک میللت مجلیسی خاریجی ایشلر کومیسیونونون عدالت و قالخینما پارتیسی، جمهوریت خالق پارتیسی و میللیتچی حرکت پارتیسیندن منسوب عضولری طرفیندن آلمان فدرال مجلیسینین 1915 حادثهلر موضوعسوندا گؤروشهجگی قرار لاییحهسی ایله باغلی یایینلانان بیرگه بیلدیری
آلمان فدرال مجلیسینین، اساسسیز ارمنی "سویقیریم" ادعالارینی دستکلهین بیر قرار لاییحهسینی، 2 ژوئن 2016دا اویلایاجاغینی کدرله اؤیرنمکدهییک. 1915 حادثهلری حاقیندا تاریخی حقیقتلری تحریف ائدن و حقوقلا اویغون گلمهین لاییحهنی شدتله قیناییر و رد ائدیریک.
101 ایل اوّل بیرینجی دونیا ساواشینین چوخ خصوصی شرطلرینده یاشانان و تورکلر ایله ارمنیلرین قارشیلیقلی اولاراق بؤیوک آغریلار چکمهسینه سبب اولان حادثهلرین، طرفلی، تحریف ائدیلمیش و مختلیف سوبژکتیو سیاسی سببلرله اله آلیناراق بیر 'سویقیریم اولاراق تقدیمی اصلا قبول ائدیله بیلمز. سؤزو قونوسو حادثهلرین ایندیکی واختدا نئجه سیاسیلشدیریلدیغینین و ایستیثمار ائدیلدیگینین ان پیس نومونهلریندن بیری اولان بو لاییحهنین، آلمانین "خصوصی تاریخی مسئولیتینی" بوینونا گؤتورمهسی و "کئچمیشین اوچوروملارینی آشاراق باریشما و آنلاشما یوللاری آختارماق موضوعسوندا تورکلر و ارمنیلری دستکلمه" کیمی گولونج سببلرله ایضاح ائدیلمهسینه ایسه کیمسه اعتبار ائتمیر .
سویقیریم سیاسی مقصدلرله ایستیثمار ائدیله بیلهجک بیر آنلاییش دئییل، بین الخالق حقوقدا تعریفی آچیق و قطعی اولاراق ائدیلمیش بیر جینایتدیر. 1915 حادثهلرینین "سویقیریم" اولدوغونا دایر مسئول بیر محکمه قراری اولمادیغی کیمی، بو موضوعدا هر هانسی بیر اوزلاشینین وارلیغیندان بحث ائتمهنین ده مومکون اولمادیغی، اوروپا اینسان حاقلاری محکمهسینین 15 اوکتوبر 2015-جی ایل تاریخلی پرینچک / سوئیس دعواسی قراری دا تصدیق ائدیلمیشدیر. اولوسلار آراسی حقوق و اوروپا حقوق اجتیهادی علیهینه، فدرال مجلیسین 1915 حادثهلرینه باغلی مذاکیره ائدیلمز بیر رسمی گؤروش و دوشونجه چیخاراراق بونو دایاتمایا چالیشدیغینین، تمثیل ائتدیگی آلمان خالقینین نظرینده ده ار و یا گئج سورغولاناجاغینا اینانیریق.
فدرال مجلیسین، تمثیل ائتدیگی اینسانلار آراسیندا اولان یوز مینلرله تورک اصیللی آلمان وطنداشینین دوشونجهلرینی و حافیظهسینی یوخ سایاراق منیمسدیگی بو تحریف ائدیلمیش آچیقلامالار تحصیل سیستمی واسطهسیله گنج نسیللره سؤیکمه چاغیریشی دا، دوشونجه و ایفاده آزادلیغینی هئچه سایماقدیر. تاساریداکی "تورک کؤکنلی وطنداشلارین اویوم ساغلاماسینا قاتقی ائدهجگی" سببی ایله آلمانداکی 3 میلیونلوق تورک جمعیتینین اؤز منلیگینین بو شکیلده یارالامایا چالیشیلماسی ایضاح ائدیله بیلمز. عکسینه بو حاقسیز و حقوقسوز تلاش، تورکلرله آلمانلاری آیریشدیریجی بیر تأثیر یاراداجاق.
عصرلر باریش ایچینده یاشامیش ایکی میللت و ایندی بیر-بیرینه قونشو ایکی دولتین دوستلوق و امکداشلیق ایچینده اورتاق بیر گلهجگی پایلاشماسی، تاریخه عدالتلی حافیظه پرسپکتیویندن باخیلماسییلا مومکوندور. تورکیه بؤیوک میللت مجلیسی 2005-جی ایلده یئکدیللیکله قبول ائتدیگی دکلاراسیونلا بو یاناشماسی منیمسمیش و تاریخده یاشانانلارین اؤزگورجه آراشدیریلماسی و بیر قارشیلیقلی راضیلاشمایا چاتابیلمهسی اوچون هر کسه آچیق و علمی تملده چالیشاجاق بیر اورتاق تاریخ کومیسیونو باجاریغییلا بو اینسانی آغریلارین بوتون یؤنلرینین آیدینلادیلماسینی دستکلمیشدیر. آلمان فدرال مجلیسی تورکیه-ارمنیستان مناسیبتلرینین دوزلمهسینه خیدمت ائتمک موضوعسوندا صمیمی ایسه، بو تلاشا دستک وئرمهسی لازیم اولارکن، آدی چکیلن قرار لاییحهسی، گلهجک نسیللره غرضلی، دوشمنچیلیک و اینتیقام حیسلرینی میراث بوراخماقدان باشقا بیر مقصده خیدمت ائتمیر. فدرال مجلیسین "تاریخی مسئولیتینی"، تاریخی تحریف ائدهرک، آیری-سئچکیلیکلر درینلشدیررک دئییل، تاریخی گئرچکلرین آیدینلیغا قوووشدورولماسینی دستکلهیهرک بوینونا گؤتورمهسی گؤزلنیلیر.
سون نقطهده، تورکیه ایله آلمانین دوستلوق و موتتفیقلیک علاقهلرینه ضرر وئرهجگی ناراحاتلیغی داشیدیغیمیز بئلهسی بیر لاییحهنین فدرال مجلیسدن کئچممهسی، ساغلیقلی عاقلین دا غالیب گلدیگینین ان اهمیتلی گؤستریجیسی اولاجاق.
