رجب طیب اردوغان شیلی‌ده

جمهور باشقانی رجب طیب اردوغان، لاتین آمریکا سیاحتینین ایلک دایاناجاغی اولان شیلیده ...

تورکیه جمهور باشقانی اردوغانی، آرتورو مرینیو بنیتز بین الخالق هاوا آلانیندا آرالاریندا شیلی خاریجی ایشلر ناظری هرالدو مونوزون دا اولدوغو مسئوللار قارشیلادی.

جمهور باشقانی اردوغان، 2010-جی ایلده شیلی تورپاقلارینا آددیم آتان ایلک تورک باش ناظری اولدو.

ایندی ایسه جمهور باشقانی اولاراق شیلینین پایتختی سانتیاگودا ..

اردوغان سانتیاگودا لاموندا مدنیت مرکزینده، ' تورکیه و شیلی آراسینداکی ایکیطرفلی علاقهلرین 90-جی ایلین "آدلی سرگینی گزهجک.

داها سونرا دا سانتیاگو تورک سفیرلیگینده شرفینه وئریلن ضیافته قاتیلاجاق.

جمهور باشقانی اردوغان، جمهور باشقانی میشل باچلت ایله لاموندا ساراییندا بیر آرایا گلهجک.

چرشنبه آخشامی گونو ایسه بیرلشمیش میللتلر تشکیلاتینین نومایندلیگینده کئچیریلهجک پروقراما قاتیلاجاق.

جمهور باشقانی اردوغانین زیارتینین آغیرلیقلی گوندمی اقتصاد ..

ایکی اؤلکه آراسیندا هر نه قدر مسافه اوزاق دا اولسا خصوصیله داغ-معدن و مدافعه صنایعیندکی امکداشلیق دقت چکیجی.

تورکیه، شیلییه، تراکتور، دمیر-پولاد محصوللاری و خالچا کیمی تکستیل/نساجی ماددهلری گؤندریر.

قارشیلیغیندا میس و میوه آلینیر.

تورکیه-چیلی آراسیندا ویزا آزاد و سربست تیجارت راضیلاشماسی داخیل 9 آیری رسمی امکداشلیق موقاویلهسی وار.

جمهور باشقانی اردوغانین زیارتی ایله بیرلیکده ایکی اؤلکه تیجارتینده یئنی سکتورلارا قاپی آچیلماسی گؤزلنیلیر.

جمهور باشقانی اردوغانا زیارتینده حیات یولداشی امینه اردوغان، باش ناظر کؤمکچیسی یالچین آکدوغان، علم، صنایع و تکنولوژی ناظری فیکری ایشیق، انرژی و طبیعی قایناقلار ناظری برات آلبایراک ایله اسکی ناظرلردن نیهات زیبکجی و مهدی اکر یولداشلیق ائدیر.