هاوا ساحهسینین پوزولدوغونو آلمانلار دا اونایلادی
" تورک هاوا ساحهسینین 2 - 4 کیلومتر ایچینده 17 ثانیه سورهلی بیر تهدید اولوشدورولدو"
موسکوانین انکار ائتمهلرینه باخمایاراق، چرشنبه آخشامی گونو دوشورولن روس ساواش اوچاغینین تورک هاوا ساحهسینی پوزدوغو فرقلی اؤلکهلر طرفیندن ده اونایلاندی.
آلمانیا سیلاحلی گوجلرینه عاید گیزلی بیر راپوردا، دوشورولن سو-24 تیپی روس جتی، 17 ثانیه بویونجا تورک هاوا ساحهسینی پوزدوغو بیلدیریلدی.
بیلد قازئتهسینده یئر آلان راپورا گؤره، "حادثه گونو روس اوچاقلاری تورک سرحدینه (10-15 کیلومتر) پارالل اوچودولار. داها سونرا تورک هاوا ساحهسینین 2 - 4 کیلومتر ایچینده 17 ثانیه سورهلی بیر تهدید اولوشدورولدو.
راپوردا، "تورک اف-16 ساواش جتلری روس اوچاقلارینا رسمی اویاریلار وئریلدی. بو وضعیت آمریکا قایناقلاری طرفیندن ده اونایلاندی" بیگیسینه ده یئر وئریلیر.
قازئته خبرینده، اوچاغین، تورک هاوا ساحهسینی پوزدوغونا دایر آلمان مقاملارینین الینده اولان گرافیکی ده یایینلاندی.
راپوردا آیریجا، دوشورولن روس اوچاغینین سوریه رژیمینه قارشی مباریزه ائدن مخالیف گوجلره قارشی گؤرولندیریلدیگینین تخمین ائدیلدیگی آنجاق سوریه رژیمینه قارشی مباریزه ائدن بو قروپلارین داعش ایله بیر باغلانتیسینین اولمادیغی، روسیا طرفیندن دستکلنن اسد رژیمینه قارشی مباریزه ائتدیکلری ایفاده ائدیلدی.