اردوغان بروکسل‌ده اوروپا‌لی تورک دموکرات‌لار بیرلیگی نین میتینگی

اردوغان، بلژیک‌دن اوّل گئتدیگی فرانسانین استراسبورگ شهرینده ایسه "میلیون‌لارلا نفس ترورا قارشی تک سئس" میتینگینه قاتیلدی

349583
اردوغان بروکسل‌ده اوروپا‌لی تورک دموکرات‌لار بیرلیگی نین میتینگی

جمهورباشقانی رجب طیب اردوغان، عدالتین تاسیسی اوچون حیاتا کئچیریلن موباریزه‌نین بون‌دان سونرا دا گرک اؤلکه ایچینده، گرک دونیانین هر یئرینده عینی قطعیتله داوام ائده‌جگینی سؤیله‌دی.
اردوغان، بلژیکژین باشکندی بروکسل‌دکی استفان میدانیندا اوروپا‌لی تورک دموکرات‌لار بیرلیگی‌نین(UETD) ائدیلن 'بیرلیک، حضور، سئوگی، باریش میتینگینه قاتیلدی.
تورکیه‌ده 2 میلیون سوریه‌لی و عراقلی سیغینا‌جاق آختاران اینسانلار اولدوغونو ایفاده ائدن جمهورباشقانی اردوغان، اوروپانین تامامیندایسا 250 مین جیواریندا سیغینا‌جاق آختاران اینسان اولدوغونو سؤیله‌دی. اردوغان، سیغینماجی‌لارا ائدیلن خرجلمه‌نین 7،5 میلیارد دو‌لار اولدوغونو، دونیا‌دان گلن دستگین ایسه 419 میلیون دو‌لار اولدوغونو قید ائده‌رک؛
- "هارادا قالدی اینسان حاق‌لاری بیاننامه‌سی" دئدی.
اردوغان، بلژیک‌دن اوّل گئتدیگی فرانسانین استراسبورگ شهرینده ایسه "میلیون‌لارلا نفس ترورا قارشی تک سئس" میتینگینه قاتیلدی.
اردوغان، بورادا ائتدیگی دانیشمادا؛
- ' میللتیمیزین آراسینا آیریلیق سوخولماسینا ایجازه وئرمیه‌جگیک "دئدی.
چیخیشی بویونجا بیرلیک و برابرلیک مساژلاری وئرن جمهورباشقانی؛
- "اورک‌لریمیز یئنه کوتلوی وورور. وورماغا دا داوام ائده‌جک. میللتیمیزه آتیلن گولله‌لرین بیرلیگیمیزی قارداشلیغیمیزه آتیلدیغینی بیلیریک. بو اویونو پوزاجاغی. "دئدی.
تورکیه‌نین، یالنیز تروریستله دئییل، ترورا قارشی دا موباریزه ائتدیگینی ایفاده ائدن اردوغان؛
- "بیزیم پروبلمیمیز منیم کورد قارداش‌لاریمیزلا دئییل، بیزیم پروبلمیمیز ترورله‌دیر، تروریستل‌دیر" شکلینده دانیشدی.
تورکیه اوزرینده کیمسه‌نین بیر عملیاتا گیره‌مه‌یه‌جگینی وورغولایان اردوغان؛
- "بیز بو اؤلکه‌نی چاپولجولاردان آلمادیق سویغونچولارا دا بوراخماریق." ایفاده‌لرینی ایستیفاده ائتدی.
غرب دونیاسینا ترورا قارشی بیرلیکده موباریزه چاغیریشی ائدن اردوغان،
- "بیرلیکده موباریزه ائدیلدیگینده یالنیز چوخ داها اعتبارلی بیر تورکیه‌یه دئییل عینی زاماندا چوخ داها اعتبارلی بیر اوروپایا، چوخ داها اعتبارلی بیر دونیایا قوووشاجاغیق." دئدی.


اتیکتلر:

ایلگیلی‌لی خبرلر