خاریجی ایشلر باخانلیغی قینادی
تورکیه خاریجی ایشلر باخانی مولود چاووشاوغلو، سالدیرینی باربارلیق اولاراق خاراکتئریزه ائتدی
لیبی ساحللرینده، بیر تورک شیرکتینه عاید "تونا-1" آدلی قورو یوک گمیسینین هم قورودان هم ده هاوادان وورولماسی نتیجهسینده، بیر تورک کاپیتان اؤلدو.
تورکیه خاریجی ایشلر باخانی مولود چاووشاوغلو، سالدیرینی باربارلیق اولاراق خاراکتئریزه ائتدی.
بوتون دیپلوماتیک گیریشیملرین ائدیلدیگینی سؤیلهین چاووش اوغلو، "بو حادثه لیبیدهکی وضعیتین گؤستریجیسیدیر" دئدی.
چاووشاوغلو بونلاری سؤیلهدی:
"ایستانبولداکی باشکونسوللوغا هم ده آنکارا داکی ائلچیلیگه، هم تپکیلریمیزی گؤستردیک هم ده نوتامیزی گؤندئردیک. لندن بؤیوک ائلچیمیزه تعلیمات وئردیک و اولوسلارآراسی دنیزچیلیک هؤرگوتو نزدینده گیریشیملریمیز وار. بیرلشمیش میلتلر دایمی نمایندهمیزه آیریجا عینی شکیلده تعلیماتیمیزی وئردیک. دولاییسییلا بیز هر جور گیریشیملریمیزی ائدیریک ".
گمیده 8ی تورکیه، 6سی گورجوستان و بیری ده آذربایجانلی اولماق اوزره 15 نفرلیک خدمه واردی.
خاریجی ایشلر باخانلیغیندان قونویا باغلی وئریلن آچیقلامادا ایسه؛
"اولوسلارآراسی سولاردا مولکی بیر گمییه قارشی حیاتا گئچیریلن بو آلچاقجا سالدیرینی شدتله قیناییر، سالدیرینی گرچکلشدیرنلری لعنتلهییریک" دئییلدی.
آچیقلامادا، قونویلا ایلگیلی مسئوللارین جزالاندیریلماسی اوچون گیریشیملرین باشلادیلدیغی دا ایفاده ائدیلدی.