اردوغان: یمنده استقرارین تاسیسی بؤیوک اهمیت داشیییر
پرزیدنت اردوغان بو گون کوویته ائدهجگی سفر اؤنجهسینده، کویت خبر آژانسینها(کونا) بیر رپورتاژ وئردی
یمنده استقرارین تاسیسی بؤیوک اهمیت داشیییر"
پرزیدنت رجب طیب اردوغان، تورکیهنین، اورتا دوغوده ثابتلیک، ریفاه و امین-آمانلیغین حاکم قیلینماسی موضوعسوندا کویت ایله همفیکیر اولدوغونا ایشاره ائتدی.
پرزیدنت اردوغان بو گون کوویته ائدهجگی سفر اؤنجهسینده، کویت خبر آژانسینها(کونا) بیر رپورتاژ وئردی.
سفرینین خصوصیله یمن، فیلیسطین و سوریه کیمی بؤلگه اؤلکهلرینده یاشانان بحرانلارین حلّی موضوعسوندا فیکیر مبادیلهسی آپارماق اوچون یاخشی بیر فورصت اولاجاغینی دیله گتیرن اردوغان، بونلاری سؤیلهدی:
- "یمنده ثابیتلیگین تاسیسی بؤیوک اهمیت کسب ائدیر. تورکیه اولاراق کویتین ده آرالاریندا اولدوغو سعودی عربیستانین لیدرلیگیندکی کوالیسیون گوجلرینه دستک وئریریک. نیظامی عملیاتلارین آغیرلیقدا اولدوغو ایلک مرحلهنین باشا چاتدیقدان سونرا سیاسی اساسلی اولاجاق ایکینجی مرحلهنین اوغورلو اولماسی چوخ اهمیتلی."
حوثی انصار اهل حرکتینین عملیاتلارینا سون وئرمهسی و سیاسی پروسهنین طرفی اولماسی لازیم اولدوغونا ایشاره ائدن اردوغان، تورکیه و اولوسلار آراسی توپلومون بو گؤزلمه ایچینده اولدوغونو قید ائتدی.
اردوغان، سوریهلی سیغینماجیلارین وضعیتینه دایر ده، تورکیهنین، 2015 آوریل آیی اعتباریله ساییلاری 1،7 میلیونا چاتان سوریهلی سیغیناجاق آختاران شخصلر اوچون 5،5 میلیارد دولار خرجلمهده اولدوغونو ایفاده ائتدی.
تورکیهنین سیغینماجیلارا دینی و ائتنیک کؤکنلرینه باخمادان قاپیلارینی آچدیغینی وورغولایان اردوغان، سوریهده یاشانانلارا سسسیز قالان اولوسلار آراسی توپلومو دا بو رفتاریندان اؤتری قینادی.
اردوغان، اولوسلار آراسی توپلومو، بشار اسد رهبرلیگیندکی سوریه رژیمی و داعش کیمی کاوسدان بسلنن ترور تشکیلاتلارینا قارشی قویماغا چاغیردی.