تورکیه‌نین خاریجی سیاستی

گونئی آسیا‌دان آفریقا و لاتین آمریکایا قدر اؤنم‌لی دیپلوماتیک ایلیشکی‌لر قورولدو

280363
تورکیه‌نین خاریجی سیاستی


تورکیه سون ایللرده خاریجی سیاستده اؤنم‌لی باشاریلارا ایمضا آتدی.
گونئی آسیا‌دان آفریقا و لاتین آمریکایا قدر اؤنم‌لی دیپلوماتیک ایلیشکی‌لر قورولدو.
خاریجی ایشلر باخانلیغی سؤزچوسو تانژو بیلگیچ، ت‌رت‌یه قوناق اولدو و تورکیه‌نین خاریجی سیاستینده دییشیک‌لیک‌لری ایضاح ائتدی.
بیلگیچ، 2002.جی ایلده تورکیه‌نین آفریقادا یالنیز 12 ائلچیلیگی اولدوغونو، ایندی ایسه بونون 39 اولدوغونو، آفریقا ایله اولان 3 میلیارد د‌لار دولایین‌داکی تیجارت حجمی‌نین ده 22 میلیارد د‌لارا چاتدیغینی سؤیله‌دی.
بیلگیچ، عینی شکیلده لاتین آمریکادا 6 اولان ائلچیلیک ساییسی‌نین ایندی 13 اولدوغونو، خاریجی تیجارتین ده سون 10 ایلده 10 قاتینا چیخدیغینی ایفاده ائتدی.
خاریجی ایشلر باخانی مولوت چاووش اوغلونون آسیا پاسیفیک اقیانوس بؤلگه تورونو دگرلندیرن تانژو بیلگیچ، تورکیه‌نین بو اؤلکه‌لری گؤرمزلیک‌دن گلمه‌سی مومکون دئییل دئدی.
بیلگیچ، تورکیه‌نین اوکراینا سیاستی‌نین ایسه چوخ آچیق و دقیق اولدوغونو، اوکراینانین تورپاق و سیاسی بیرلیگی‌نین قورونماسی لازیم اولدوغونو هر پلاتفورمدا دیله گتیردیگینی سؤیله‌دی.
بیلگیچ، قریم‌ین ایلحاکی‌نین دا تورکیه طرفین‌دن قبول ائدیلمدیگینی تکرارلادی.
سوریه‌ده گلینن نقطه‌نی ده دگرلندیرن بیلگیچ، خاریجی ساواشچیلارین ترور هؤرگوتو داعشه قاتیلماسینین انگللنمه‌‌سی قونوسوندا استخبارات پایلاشماسی‌نین اؤنمینه دقت چئکدی.


اتیکتلر:

ایلگیلی‌لی خبرلر