تورکیه و ایران تجارت حجمینی 30 میلیارد دولارا چیخاراجاق
توپلانتی سونراسی باش ناظیرلیک مطبوعات مرکزی ایکی لیدرین راضی قالدیغی اورتاق بیاناتی مطبوعات ایله پایلاشدی
ایران پرزیدنتی حسن روحانی تورکیهده.
باش ناظیر رجب طیب اردوغان و حسن روحانی، تورکیه-ایران یوکسک سویهلی امکداشلیق شوراسینین بیرینجی ییغینجاغی چرچیوهسینده بیر آرایا گلدی.
توپلانتی سونراسی باش ناظیرلیک مطبوعات مرکزی ایکی لیدرین راضی قالدیغی اورتاق بیاناتی مطبوعات ایله پایلاشدی.
معلوماتدا، ایکی اؤلکه خالقلارینین ریفاه سویهسینی ایرهلی داشییاجاق و بؤلگهسل استیقرارین اینکیشاف ائتدیریلمهسینه قاتقی وئرهجک اولان اقتصادی و تیجاری علاقهلرین اینکیشاف ائتدیریلمهسینین اهمیتینی ووقولادی.
توپلانتیدان 2015-جی ایل اعتباریله 30 میلیارد آمریکا دولاری تیجارت حجمی، هدف قراری چیخدی.
دیگر بیر گوندم مادهسی ایسه، بانکچیلیق و انرژی ساحهسیندکی ایش بیرلیکدهلیکلری ایدی.
طرفلر توریزم، بانکچیلیق و انرژی ساحهسیندکی ایشبیرلیکلرینین درینلشدیریلمهسینه حاضیر اولدوقلارینی ایفاده ائتدیلر.
ایکی اؤلکه آراسینداکی اوچوش سایسینین آرتیریلماسی دا، راضیلاشدیریلمیش بیر دیگر باشلیق اولدو.
اورتاق معلوماتدا؛ تورکیه و ایرانین نوکلئر سیلاحلاردان و دیگر کوتلوی قیرغین سیلاحلاریندان تمیزلنمیش بیر اورتا شرقی دستکلدیگی ایفاده ائدیلدی.
تروریزم، مرزی آشان موتشکّیل جینایتکارلیق، نارکوتیک، سیلاح و اینسان قاچاقچیلیغییلا مباریزهده امکداشلیغی گوجلندیرمه مسئولیتلری ده یئنیلندی.
دیگر بیر باشلیق ایسه، بؤلگهدکی گئلیشمهلردی.
سوریه، عراق و افغانیستان داخیل اولماق عذره بؤلگهدکی آنلاشیلمازلیقلارا خالقلارین قانونی حقوقلار ایستیقامتینده سیاسی حللر تاپیلماسی و اینسانی یاردیملار چاتدیریلماسی موضوعسوندا دایانیقلیلیقلاری ایفاده ائدیلدی.
فیلیسطین پروبلمینه ایسه آیریجا توخونولوب.
اورتاق راضیلاشما متنینده، فیلیسطین اوچون؛ فیلیسطین خالقینین قانونی حاقلارینا و یئنی قورولان فیلیسطین میللی بیرلیک حکومتینه دستک وورغوسو ائدیلدی.
آیریجا ایران، تورکیهنین 2015-2016 دؤورو اوچون بمت گوونلیک شوراسینین موقتی عضولوگو نامیزدلیگینه تام دستگینی بیان ائتدی.