تورکیه پنجره‌سیندن اورتادوغو(12)
20 ژانویه 2018 تاریخینده باشلایان زیتون دالی عملیاتینین معین بیر مرحله‌دن سونرا سورعتلندیگی و پ.ک.ک/ی.پ.گ میلیتانلارین تورک سیلاحلی گوجلری و آزاد سوریه اوردوسونا مقاومت گؤسترمدیگی گؤرولوب
تورکیه پنجره‌سیندن اورتادوغو(12)
20 ژانویه 2018 تاریخینده باشلایان زیتون دالی عملیاتینین معین بیر مرحله‌دن سونرا سورعتلندیگی و پ.ک.ک/ی.پ.گ میلیتانلارین تورک سیلاحلی گوجلری و آزاد سوریه اوردوسونا مقاومت گؤسترمدیگی گؤرولوب. عملیاتین ایکینجی آییندا هر گون اون و اونون اوزرینده کند و قصبه اله کئچیریلرکن، سرعت‌لی ایرلیلییشی‌نین سببی موذاکیره ائدیلمه‌یه باشلانیلدی. سون اولاراق عفرین شهر مرکزی‌نین 18 مارس سحری، بیر نئچه ساعت‌لیق ساواش نتیجه‌سینده تورک سیلاحلی گوجلری و سوریه‌لی موخالیف‌لرله اله کئچیریلدی.
عملیاتین ایلک آیین‌داکی یاواش ایرلیلییشی‌نین عکسینه، ایکی آیدا ایرلیلییشین سورعتلنمه‌سی و پ.ک.ک/ی.پ.گ-نین قارشی‌لیق وئرممه‌سی‌نین بیر چوخ سببی وار. یئرلی خالقین ی.پ.گ-نی دستکلممه‌سی و ی.پ.گ-نین نیظامی قابیلیتی‌نین مئدیا‌داکی آلقی‌یا قارشی چوخ آشاغی اولماسی کیمی سبب‌لر اولسا دا عملیاتین ایکینجی آییندا سورعتلنمه‌سی‌نین اساس سببی تورک سیلاحلی گوجلری‌نین زیتون دالی عملیاتینین ایلک آییندا توتدوغو ایستراتژی‌دیر.
تورک سیلاحلی گوجلری و سوریه‌لی موخالیف‌لرین ی.پ.گ-یه قارشی ایستراتژیسی
زیتون دالی عملیاتی ایلک هفته‌سی سونا چاتیرسا، تورک سیلاحلی گوجلری و تورکیه دستک‌لی سوریه‌لی موخالیف‌لرین عفرینده ایزلدیگی ایستراتژی داها قاباریق حالا گلدی. تورک سیلاحلی گوجلری و سوریه‌لی موخالیف‌لرین عفرینده ی.پ.گ-نی ضعیفلتمه‌یه یؤنه‌لیک بیر ایستراتژی ایزلدیگی گؤرولموشدور. عملیاتین ایلک هفته‌سین‌دن اعتباراً تورک سیلاحلی گوجلری-نین اساس هدفی اولاراق داغ‌لیق اراضی‌دکی تپه‌لر و حاکم موضع‌لرین اولدوغو باشا دوشولموش‌دور. چوخلو آتش دستگی ایله گئدن تورک سیلاحلی گوجلری و سوریه‌لی موخالیف‌لر، 7 آیری جبهه‌دن عفرین بؤلگه‌سینه داخیل اولدو. دیگر طرف‌دن، اراضی و هاوا شرط‌لرینی ایستیفاده ائده‌رک آسیمتریک ساواش تکنیکلری قوللانمایا چالیشان ی.پ.گ ترورچولاری، خندک و تونل‌لر ایچریسین‌دن قارشی قویماغا چالیشمیش‌دیر.
حاکم تپه‌لر
زیتون دالی عملیاتی چرچیوه‌سینده بیر چوخ آنالیتیک‌لرین گؤزلنتی‌لری‌نین عکسینه، تورک سیلاحلی گوجلری و سوریه‌لی موخالیف‌لر ی.پ.گ-نین ان گوج‌لو اولدوغو نقطه‌دن سالدیری ائتمگی اوستون توتموش‌دور. خصوصیله سیم ریفعت و مینناگ نیظامی هاوا لیمانین‌دان عملیاتین باشلاماسی گؤزلنرکن، تورک سیلاحلی گوجلری و سوریه‌لی موخالیف‌لر تورکیه سرحدی اوزرین‌دن ی.پ.گ-نین نظارتینده اولان داغ‌لیق بؤلگه‌لری هدف کیمی بلیرلنمیش‌دیر. چوخلو هاوا و توپچو دستگی ایله باشلایان حرکات، عفرین بؤلگه‌سین‌دکی حاکم یوکسک‌لیک‌لری اله کئچیرمگی قارشی‌سینا مقصد قویموش‌دور. شمال‌دان بالبول نیهایه‌سی‌نین جنوبون‌داکی جوبای‌لی داغی و جنوب-شرق ایستیقامتین‌دکی شیخ داغی؛ شمال-غرب‌دن راجو نیهایه‌سی‌نین شما‌لی و جنوبون‌داکی داغ‌لار؛ جنوب-غرب‌دن شیخ حدید اطرافین‌داکی داغ‌لار؛ اعزازین یانین‌داکی بورسایا داغی تورک سیلاحلی گوجلری و سوریه‌لی موخالیف‌لرین ایلک هدف‌لری کیمی معین‌لشدیریلمیش‌دیر.
حاکم یوکسک‌لیک‌لری اله کئچیرمک، عفرینین جوغرافی شرط‌لری نظره آلیندیقدا نیظامی معنادا اولدوقجا چتین اولماسینا قارشین، زیتون دالی عملیاتین سونراکی مرحله‌لرینی آسانلاشدیرمیش‌دیر. حاکم تپه‌لرین اله کئچیریلمه‌سی سونرا، ی.پ.گ میلیتان‌لاری جوغرافی اوستون‌لوگو ایتیرمیش و زیتون دالی عملیاتی سورعتلنمیش‌دیر. تورک سیلاحلی گوجلری و سوریه‌لی موخالیف‌لری حاکم یوکسک‌لیک‌لری اله کئچیرمدیگی سناریودا، ی.پ.گ زامان ایچری‌سینده داغ‌لارا دوغرو گئری چکیلیب، اوزون نفس‌لی پارتیزان تاکتیکه اساس‌لانان موباریزه وئره‌بیلمه ایمکانینا صاحب اولا‌جاقدی. گودولن ایستراتژی نتیجه‌سینده ی.پ.گ-نین گئری چکیلن فاکتورلاری داها الوئریش‌لی جوغرافی شرایطده مهو ائدیلمیشدی.
ضعیفلتمه ایستراتژیسی
تورک سیلاحلی گوجلری-نین حاکم یوکسک‌لیک‌لری اله کئچیرمه‌یه یؤنلمیش ایستراتژیسینده دقت چکن فاکتور، ی.پ.گ-نی ضعیفلتمه‌یه یؤنه‌لیک آتیلان آددیم‌لار اولدو. زیتون دالی عملیاتینین ایلک مرحله‌لرینده حاضیرلیق‌لی اولان ی.پ.گ منسوبلارینی یورماغی هدفله‌ین ضعیفلتمه ایستراتژیسی، داشی پروبلمی اولمایان و آتش گوجو یوکسک اولان اوردولاری عمومی نظامی میلیتان‌لارا قارشی اوستون ائدیر. ضعیفلتمه ایستراتژیسی چرچیوه‌سینده تورک سیلاحلی گوجلری ایلک 5 گونده 131 هاوا سالدیریسی حیاتا کئچیریب. تورک سیلاحلی گوجلری-نین آچیقلاماسینا گؤره، عمومی‌لیکده 251 هدف مهو ائدیلمیش‌دیر. بون‌دان باشقا، سالدیری هلیکوپتر‌لری و SİHAلار دا ایستیفاده ائدیلمیش‌دیر. ی.پ.گ میلیتانلارین هاراداسا 4 مین ایتکی وئرمه‌لری تورک سیلاحلی گوجلری-نین ضعیفلتمه ایستراتژیسی‌نین طبیعی نتیجه‌سی‌دیر.
عفرین بؤلگه‌سین‌دکی ی.پ.گ فاکتورلارینا قارشی چوخلو هاوا و قورو سالدیریسی، زامانلا ی.پ.گ منسوبلارینی و مدافعه خط‌لرینی ضعیفلتمیش‌دیر. تورک سیلاحلی گوجلری-نین ضعیفلتمه ایستراتژیسی نتیجه‌سینده، روسیانین جوغرافی اولاراق اوخشار خصوصیت‌لره مالیک لاذقیه‌دکی ایستراتژیسی‌نین عکسینه، ان آزی مولکی ایتکی ایله زئیتون دالی عملیاتینی اوغورلا نتیجه‌لنمه‌سینه ایمکان وئریب. معلوم اولدوغو کیمی، روسیا لاذقیه بؤلگه‌سینده، چچنیستاندا تطبیق ائتدیگی " scorched earth" ایستراتژیسینی حیاتا کئچیرمیش‌دیر. ایستراتژی چرچیوه‌سینده هدف گودمه‌دن حیاتا کئچیردیگی بومباردمان نتیجه‌سینده بؤلگه‌دکی سیویل اها‌لی یا حیاتینی ایتیرمیش و یا ائولرینی ترک ائتمک مجبوریتینده قالمیش‌دیر. تورکیه‌نین سیویل ایتکی حساس‌لیغی موناسیبتیله عفرین اوچون ضعیفلتمه ایستراتژیسی‌نین اویغون اولدوغو گؤرونور. ی.پ.گ-نی ساحه مدافعه‌سینه زورلایا‌راق جبهه خطینده مهو ائدیلمه‌سی نتیجه‌سینده کؤهنه‌لن ی.پ.گ میلیتان‌لاری زامانلا قارشی قویمامیش و مدافعه خط‌لری چؤکموش‌دور.
ی.پ.گ-نین ایستراتژیسی
آسیمتریک ساواش تکنیک‌لرینی و هیبرید اصول‌لارینی ایستیفاده ائتمگی هدفله‌ین پ.ک.ک/ی.پ.گ، تورک سیلاحلی گوجلری و سوریه‌لی موخالیف‌لره قارشی جوغرافی شرط‌لری ایستیفاده ائتمه‌یه چالیشمیش‌دیر. ایللردیر عفرین بؤلگه‌سینده قازیلان تونل‌لر، خندق‌لر و یارادیلان مدافعه خط‌لری ایله تورک سیلاحلی گوجلری و سوریه‌لی موخالیف‌لرین گئتمه‌سینی انگللمه‌یه چالیشمیش‌لار. داغی قالخان تورک سیلاحلی گوجلری و سوریه‌لی موخالیف‌لره سالدیری ائدن ی.پ.گ میلیتان‌لاری، حاکم تپه‌لردن آتش آچمیش‌دیر. بؤلگه‌دکی مکانی بیلن ی.پ.گ منسوبلاری زامان زامان تورک سیلاحلی گوجلری و سوریه‌لی موخالیف‌لره باسقین وئرمه‌یه چالیشمیش‌دیر. باسقین‌لار نتیجه‌سینده تورک سیلاحلی گوجلری و سوریه‌لی موخالیف‌لره ایتکی وئرمه‌یه چالیشان ی.پ.گ میلیتان‌لاری، تورک سیلاحلی گوجلری-نین آتش اوستون‌لوگو نتیجه‌سینده اساساً گئری چکیلمک مجبوریتینده قالمیش‌دیر.
گؤزلنیلدیگی کیمی ی.پ.گ عفرین بؤلگه‌سینده تورک سیلاحلی گوجلری و سوریه‌لی موخالیف‌لره قارشی بیر چوخ نظارت‌لی آنتی-تانک موشکی ایستیفاده ائتمیش‌دیر. ایستیفاده ائدیلن ATGM -لرین عادتن کونکورس اولماسی ی.پ.گ-نین بو سیلاح سیستم‌لرینی خاریج‌دن تداروک ائتدیگینی و یقین کی، ایران دستک‌لی نوببل و زاهرادا اولان میلیتان‌لاردان آلدیغی یادا آمریکا طرفین‌دن ی.پ.گ-یه وئریلن ATGMلرین منبیچ‌دن رژیم بؤلگه‌سی اوزرین‌دن عفرینه چاتدیردیغی گؤستریر. بئله کی، عفرین شهر مرکزینه دوغرو گئدن یول‌لارین تورک سیلاحلی گوجلری و سوریه‌لی موخالیف‌لرله اله کئچیریلمه‌سی اوزرینده، ی.پ.گ-نین عفرین بؤلگه‌سین‌دکی آتگم ایستیفاده‌نین زامانلا آزالدیغی گؤرولموشدور. [1]
ی.پ.گ-نین یئرلی خالقی دینج قالخان اولاراق ایستیفاده ائتمه‌سی تورک سیلاحلی گوجلری و سوریه‌لی موخالیف‌لر اوچون ان مجبور عامل اولموشدور. [2] سیویل ایتکی‌لره قارشی حساس اولان تورک سیلاحلی گوجلری و سوریه‌لی موخالیف‌لر، ی.پ.گ-نین وطنداش‌لاری قالخان اولاراق ایستیفاده ائتمه‌سین‌دن دولایی چیخارمیش‌دیر. سیویل حساس‌لیق گؤره، تورک سیلاحلی گوجلری و سوریه‌لی موخالیف‌لر اؤز سیرا‌لارین‌داکی مومکون ایتکی‌لری گؤزه آلیب ی.پ.گ میلیتان‌لارینا قارشی ایرلیلمیش‌دیر.
نتیجه
عمومیتله، تورک سیلاحلی گوجلری و سوریه‌لی موخالیف‌لر، زیتون دالی عملیاتیندا توتدوق‌لاری ایستراتژینین ی.پ.گ-نین بؤلگه‌دکی میلیتان‌لارینی تام مهو ائتمه‌یه یؤنه‌لیک اولدوغو گؤرولموشدور. فیرات قالخانی عملیاتین‌داکی سوپورمه عملیاتینین عکسینه، زیتون دالی عملیاتینین تمیزلمه عملیاتی اولدوغو گؤرولموشدور. ضعیفلتمه ایستراتژیسی ایله حاکم یوکسک‌لیک‌لری اله کئچیرن تورک سیلاحلی گوجلری و سوریه‌لی موخالیف‌لر، زامانلا ساحه‌دکی نایلیت‌لرینی داها سرعتله آرتیرمیش‌دیر. ی.پ.گ-نی ساحه مدافعه ائتمه‌سینه مجبور تورک سیلاحلی گوجلری و سوریه‌لی موخالیف‌لر، بئله‌لیکله ی.پ.گ-یه مومکون قدر چوخ ایتکی وئرمیش‌دیر. بئله کی، 2 آیلیق حرکات اثناسیندا هاراداسا تخمینن 4 مین پ.ک.ک/ی.پ.گ میلیتانی‌نین مهو ائدیلمه‌سی، نیظامی باخیم‌دان چوخ نایلیت‌دیر. دیگر طرف‌دن، ی.پ.گ عفریندکی اراضی شرط‌لرینی اؤز خئیرینه ایستیفاده ائده‌رک تورک سیلاحلی گوجلری و سوریه‌لی موخالیف‌لره قارشی قویماغا چالیشمیش‌دیر. تله قورما، باسقین، خندق و تونل‌لر واسطه‌سیله ایستراتژی اینکیشاف ائتدیرن ی.پ.گ-نین ان گوج‌لو قوروغونون زورلا یاراتدیغی وطنداش قالخان‌لار اولدوغو گؤرولموشدور. ی.پ.گ-نین ایستراتژی‌لرینه باخمایا‌راق، تورک سیلاحلی گوجلری و سوریه‌لی موخالیف‌لرین زیتون دالی عملیاتی چرچیوه‌سینده عفرینی ی.پ.گ-دن تمیزلمه عملیاتی اوغورلو بیر شکیلده ایرلیلمیش‌دیر و 18 مارس تاریخینده عفرین شهر مرکزی تروریست‌لرین‌دن تمیزلنیب.
