تورکیهنین یئنی ویزیونو( 22)
اینسانلار، تاریخ بویونجا اؤز احتیاجلارینی قارشیلایاجاق قدر بیر مکانا صاحب اولماق ایستییرلر
تورکیهنین یئنی ویزیونو( 22)
سوسیولوژی اوچون دییشمهنین علمی ده دئییلیر. چونکی اجتماعی دییشمهنین دینامیکسی هر جمعیت اوچون فرقلیدیر. بو دییشمه چاغا و زامانا گؤره ده فرقلی یاشانیر. . اما بو دییشیکلیک هر جمعیتده داوام ائتمکدهدیر. همچینین سوسیولوقلار دییشمهنین دینامیکسی موضوعسوندا همفیکیر دئییللر. لاکین نلرین نئجه دییشدیگینی همیشه بیرلیکده موشاهیده ائدیریک.
گونوموز دونیاسینداکی دییشیکلیکلردن ان چوخ تأثیرلنن ساحهلردن بیری ده عائلهدیر. عائلهنین قورولوشوندا و فونکسیونوندا میدانا گلن دییشمه باشقا موضوعلاری دا ایچینه آلیر و بؤیوک بیر تأثیره مالیکدیر.
سؤز گلیشی عائلهنین فونکسیونوندا و قورولوشوندا میدانا گلن دییشمهلر ان باشدا منزیل احتیاجیندا بیر آرتیما سبب اولموشدور. عینی زاماندا بو وضعیت منزیل قورولوشوندا دا بیر فرقلیلشمه دوغورموشدور.
اینسانلار، تاریخ بویونجا اؤز احتیاجلارینی قارشیلایاجاق قدر بیر مکانا صاحب اولماق ایستییرلر.
سانیرام بو گون دونیانین بیر چوخ یئریندکی اینسانلار، یاشادیقلاری یئرلرده بیر منزیل صاحبی اولماغی ایستییرلر و بونون اوچون ده اهمیتلی میقداردا پول خرجلمک وضعیتیندهدیرلر.
تورکیهده، بلکه ده بیر چوخ اؤلکهدن فرقلی اولاراق، منزیل صاحبی اولما ایستگی چوخدور. ایقامتگاها یوکلنن معنالار دا دریندیر.
آنادولودا سون درجه مشهور بیر دئییم وار، دونیادا مکان، آخیرتده ایمان. دئیه،
یعنی بو دونیادا بیر مکان صاحبی اولماق کنار دونیادا جنّتده اولماق کیمی دینجلیک وئریجی بیر قازانیمی.
تورکیهده بو طلبین کیشکیرتماسی ایله چوخ بیر شهرلشمه یاشانمیش و یاشانماقدادیر. اما عینی زاماندا بو منزیل طلبی، چوخو زامان زلزله و بنزری ریسکلره قارشی اعتبارلی اولمایان بیر قورولوش ایستوکونون دا میدانا گلمهسینه سبب اولموشدور.
او حالدا تورکیهنین شهرلشمه سیاستی ده بو موضوع اطرافیندا فورمالاشماغا مجبوریتیندهدیر. مقصد اینسانلارین منزیل احتیاجینی قارشیلاماق و وار اولان ریسکلی منزیل ایستوکونو یا ییخماق یا دا گوجلندیرمک اولمالیدیر.
------
اینسانلارین منزیل صاحبی اولما طلبلرینی مقبول بیر شکیلده حل ائتمک اوچون قورولان بیر اجتماعی تشکیلاتی وار. توپلو مولک ایدارهسی.
توکی ایکی موضوعدا ایشلری اولان بیر تشکیلاتدیر. بحث ائدیلدیگی کیمی اینسانلارین مکان / ائو صاحبی اولما ایستیینه مقبول جوابلار تاپماق دیگری ده ریسکلی اولان منزیل آنبارلارینی چئویرمکدیر.
آک پارتی اقتداریندان اوّل اینسانلار، بیر منزیل صاحبی اولماق اوچون بیر عمر بویو ایشی گؤزه آلیردیلار و چالیشیردیلار دا. ائو ایجاره اورتا گلیرلی بیر مامورون حقوقونون یاریسی قدر ایدی.
عائله بودجهسینین ان بؤیوک میقداری منزیل کیراسینا گئدیردی. من یئنی آسیستان ایکن، 60.000 تورک لیرهسی جیواریندا حقوق آلیردیم. ائو کیرام ایسه 25.000 تورک لیرهسی ایدی. اینسانلارین بؤیوک اکثریتی ائو صاحبلرینه چالیشیر کیمی ایدی.
بو ایداره ائدیله بیلر بیر وضعیت دئییلدی حقیقتن.
بو دؤورو آک پارتی توکی ایله قیردی.
چوخ بؤیوک پروژهلرله هم ساغلام هم ده اویغون قیمتلرله ایقامتگاهلار چیخاریلدی. اینسانلارین منزیل احتیاجینین اهمیتلی بیر قیسیمی قارشیلاندی. اما آرتیق توکیدن چوخونو گؤزلییرلر.
مینیموم احتیاجلارین قارشیلانماسیندا سونرا، ایندیکی واختدا خصوصی و هویتلی یاپیلارا، اجتماعی دگرلر ایله مدنیت تصوورونو اویغون منزیل سیاستی اینکیشاف ائتدیرمک لازیمدیر.
بلکه ده آرتیق منزیل تیکمهنین منطیقی و سیاستینین دییشدیگی، دییشمهسی لازیم اولدوغونو بوتون اجتماعی کومپونئنتلر دیله گتیرمهلیدیرلر. عالیملر ده سیاستچیلر دا خالق دا ....
سون اولاراق بونو خصوصیله وورغولاماق ایستییرم، هر مدنیتین هر اینانجین و مدنیت جوغرافیاسینین خصوصی بیر شهر پلانی و معماری وار.
تورکیهنین ده اؤز اینانجینا، مدنیتینه و کولتورونه اویغون پلانلامالار ائتمهسی مذاکیره ائدیلمکدهدیر.
شهر سوسیولوژیسی، شهر پلانلاشدیرما و معماری ایله آکادمیک سویهده یاخیندان ماراقلانان بیر ایختیصاصلاشمیش من عینی زاماندا. اگر بیز ده عینیله دیگر جمعیتلر کیمی اؤزوموزه عایید بیر شهر پلانی و یا مودئلی چیخاریب اویقولامازسا گؤزلریم آچیق گئدرم.
اوروپادا، خصوصیله اون بئشینجی و اون آلتینجی عصرده ایدهآل هندهسی فورمادا تیکیلن شهرلره غبطه ایله باخدیغیمی و عینی زاماندا دا کیسکاندیغیمی اعتراف ائتمهلییم. بیز ده اؤز شهریمیزه، شهرلریمیزه قورا بیلریک. مسلمانلارین یاشادیغی بیر شهر نئجه اولمالیدیر سوالینی سوروشوب، جوابینی مکاندا وئرهبیلهجگیمیز بیر شهر ...
کونیا کاراتای اونیورسیتهسی سوسیال و اینسانی علملر فاکولتهسی سوسیولوژی حیسهسی معلم پروفسور دوکتور مظار باغلینین قیمتلندیرمهسینی تقدیم ائتدیک ...