تورکیهنین یئنی ویزیون (17)
سوسیال سیاست اساسیندا دئزاوانتاژلی موقعیتده اولانلاری قوروماق اوچون اینکیشاف ائتدیریلن پروژهلر اوزریندن گئدر. بو گون اؤلکهلرین یاشانا گؤستریچیلری حیاتا کئچیریلن اجتماعی سیاستلرله معیینلشدیریلیر
تورکیهنین یئنی ویزیون (17)
تورکیهدکی سیاسی مذاکیرهلرین ان تمل موضولاریندان بیری ده اجتماعی سیاستلر. شوپههسیز معاصر دونیاداکی ان اهمیتلی اجتماعی پروبلملردن بیری ده گلیر داغیلیمینداکی عدالتسیزلیکدیر. نوتلار آراسی گلیر فرقینی باغلاماق اوچون بوتون دونیادا سوسیال سیاستلر گئدهرک اهمیت کسب ائدیر.
سوسیال سیاست اساسیندا دئزاوانتاژلی موقعیتده اولانلاری قوروماق اوچون اینکیشاف ائتدیریلن پروژهلر اوزریندن گئدر. بو گون اؤلکهلرین یاشانا گؤستریچیلری حیاتا کئچیریلن اجتماعی سیاستلرله معیینلشدیریلیر.
اوروپا اؤلکهلرینی دیگر اؤلکهلره گؤره جازیبهدار ائدن اساس خصوصیتلری اجتماعی دولت اولما خصوصیتلریدیر.
سوسیال ضمانتده یاشلی باخیم وئرمهیه، قیدا کمکیندن یاناجاق احتیاجلارینین قارشیلاماماسینا قدر بیر چوخ ساحهده یوخسوللوق مرزینده یاشایان اینسانلارین احتیاجلارینین قارشیلانماسی دولتین اساس وظیفهلریندن بیریدیر.
تورکیه سون زامانلاردا بو ساحهده چوخ اهمیتلی دییشیکلیکلر رئاللاشدیردی. بونلارین باشیندا ساغلیق ساحهسیندکی اصلاحات گلمکدهدیر.
سوسیال یاردیملار اوچون بودجهدن آیریلان پای سیستملی بیر شکیلده آرتیریلماقدادیر.
آنجاق بونونلا برابر، بعضن اجتماعی خرجلر چرچیوهسینده اجتماعی یاردیملارا آیریلان مبلغ آرتیمی، یوخسوللوغون درینلشمهسی و یوخسول سایینین آرتماسی اولاراق آچیقلاما اولونور. حالبوکی سوسیال یاردیملارین اساس مقصدی، احتیاج صاحبلرینین فرقلی احتیاجلاریندان دولایی اورتایا چیخان حاق محرمیتلرینی آرادان قالدیرماق و یوخسوللوغو آزالتماقدیر.
بو گون اوروپا اؤلکهلرینده مباحیثهسیز اولان سوسیال یاردیم کیمی سوسیال ساوونما حاقلاری، تورکیهنین گوندمینه ایسه گئرچک معنادا 2002-جی ایلدن سونرا گیرمیشدیر. بو وضعیتین باشلیجا سببلریندن بیری کئچمیشده یاشانیلان اقتصادداکی پیس منظرهدیر.
اقتصادداکی یاخچیلاشما ایله بیرلیکده جمعیتین هر قروبونا خیطاب ائدن بیر سوسیال ساوونما آنلاییشی مختلیف یاردیملار و خیدمتلر تقدیم اولونور. بو گون، شرطلی نقد یاردیملاری، یعنی اوشاقلارین تحصیللرینه داوام ائتمهلری اوچون و یئنی دوغولان کؤرپهلر اوچون ساغلیق یاردیمی، یاشلیلار اوچون یاشلی باخیم آیلیغی، حیات یولداشی وفات ائتمیش قادینلارا پول دستگی، احتیاج صاحبلرینه قیدا، یاناجاق و یا سیغینما کمکی کیمی بیر چوخ ساحهده اجتماعی یاردیملار وئریلیر.
کئچمیشده، اقتصادی بحران دؤورلرینده اؤلکهنین ایلک کسینتی ائتدیگی ساحهده، اصلینده وار اولمایان اجتماعی خرجلرده رئاللاشمیشدیر. تأسف کی بو وضعیت، جمعیتده بیر چوخ اجتماعی ریسکین آرتماسینا سبب اولموشدور. حالبوکی تورکیهده 2008 قلوبال اقتصادی بحرانیندا اجتماعی قوروماغا کؤچورولن قایناغین اوروپا بیرلیگی اؤلکهلرینین عکسینه قیسیلماسی بیر یانا، خرجلر آرتمیشدیر. بو دا هم قلوبال اقتصادی بحرانین تأثیرلرینی آزالداراق اقتصادداکی حرکتی جانلی توتموش، هم ده میدانا گله بیلهجک اجتماعی ریسکلری اؤنلهیهرک اجتماعی دینامیکی پوزولما یاشانماسینی دا مانع تؤرتمیشدیر.
یئنه عینی شکیلده یوخسوللوغو آزالدان، احتیاج صاحبلرینین تحصیل، ساغلیق، قیدا و سیغینما کیمی مختلیف احتیاجلارینی آرادان قالدیرماغا یؤنلیک وئریلن اجتماعی یاردیملار، بو گون بیر چوخ عائلهنین و فردین اجتماعی حیاتدا یئر آلابیلمسینی، یعنی سوسیال اینتقراسیونو تامین ائدهجک نقطهیه گلمیشدیر.
--------
سوسیال یاردیملار و اجتماعی دولت موضوعسو بو گون تورکیهده ان چوخ دانیشیلان و مذاکیره ائدیلن موضوعلاردیر. بیر دولتین گوجلو و عدالتلی اولماسینین تمل معیارلاریندان بیری دوغوردان ده اجتماعی سیاستلر. آک پارتی دؤورونده ده تورکیه اقتصادیندا ان چوخ مذاکیره ائدیلن موضوعلاردان بیریدیر اجتماعی یاردیملار. سوسیال یاردیملارا قارشی چیخانلار، اینسانلارین "صدقه مدنیتینه" آلیشدیریلدیغینی دیله گتیرمکدهدیرلر. حتی چوخ واخت اینسانلارین سیاسی سئچیمینین دییشمهسینین ده اصل سببینین بو یاردیملار اولدوغو دئییلمکدهدیر.
حالبوکی بو ایشلر تورکیهنین اوروپا استانداردلاریندا بیر "سوسیال دولت" اولما یولونداکی کیلومتر داشلاریندان بیرینی میدانا گتیردی. گئرچک معنادا، آنایاسانین 2. ماددهسینده گؤستریلن "سوسیال دولت" پرینسیپینین ایلک دفعه ایچینین دولدورولدوغو بیر دؤور یاشاییریق. 2002-جی ایلده اقتدارا گلن آک پارتی حکومتی دؤورلرینده ایسه، تخمینن 12 ایللیک مدت عرضینده، جمعیتین بوتون قروبلارینا توخونان اجتماعی یاردیملار جدی بیر دییشیم تامین ائدیلمیشدیر. ائدیلن اجتماعی یاردیملار قات به قات آرتمیشدیر.
آک پارتی اقتداریندا 2002 -2015 آراسیندا عمومی 165 میلیارد تورک لیرهسی (تخمینن اولاراق 60 میلیارد دولار ائدیر) آختاریلمیشدیر.
سوسیال یاردیملار اوچون 2001-جی ایلده بودجهدن آیریلان پای% 1،15، 2015-جی ایلده آیریلان نیسبت ایس %4.80دیر.
کونیا کاراتای اونیورسیتهسی اینسانی و توپلومبیلیملری فاکولتهسی سوسیولوژی بؤلومو پروفسور دوکتور مظار باغلینین موضوع ایله باغلی قیمتلندیرمهسینی تقدیم ائتدیک.