تورکیه‌نین یئنی ویزیونو (5)

تورکیهنین یئنی ویزیونو (5)

17 دسامبر 2010 تاریخینده تونوسلو گنج بیر سیّار ساتیجی اولان طارق الطیب محمد البوعزیزینین اؤزونو یاندیراراق انتحار جهدینده تاپیلماسیندان سونرا باشلایان اجتماعی حرکتلردن بو یانا هم اورتا شرقده هم ده دونیادا چوخ اهمیتلی دییشیکلیکلر یاشانماقدادیر.

بو دییشمهلرین هامیسینی "دونیانین گوج" تارازلیغینین یئنیدن فورمالاشماسی اورتاق مخرجینده اوخویابیلریک.

گوج دنگلرینین ضد دوشدوگو دؤورلرده طبیعی اولاراق بیر چوخ قانونون گؤز آردی ائدیلدیگی گؤرولور. دونیانین اوخونون یئنی بیر مجرایا آخماغا باشلادیغی بو دؤورده هئچ بیر آکتور عدالتدن، حقانیتدن و ائورنسل اینسانی دگرلردن سؤز ائتممکدهدیر. شوبههسیز یئنی بیر دونیا قورولور و چوخ تأسف کی بو دونیانین داها عدالتلی اولماسی گؤزلنیلمیر. چونکی ایکیلی ایستانداردلی اولان بیر فلسفهدن بسلنن ایدئولوژیلرین فورمالاشدیغی بیر سیاست شکیللندیرمکدهدیر یاشانانلاری.

معاصر دونیانین دوشونجه ایقلیمینی میدانا گتیرن ملاحیظهلر (دوغرولوغو اوّلجهدن قبول ائدیلمیش اولان جملهلر) ایله بو گونکی دونیانین دوشونجهسینی قورانلار عینیدیر.

دییشن یالنیز مدنی کدلار. دوشونجهده، فلسفهده و تمل یاناشمالاردا هر هانسی بیر دییشیکلیک سؤز موضوعسو دئییل.

حالبوکی بو گون یاشادیغیمیز پروبلملر آرتیق معاصر دوشونجهنین اینسانی متافیزیکدن آییران و تک اؤلچولو بیر وارلیق حالینا ایندیرگهین تام دا بو آنلاییشدیر.

تورکیهنین هم اؤزونون، هم ده یاخین اطرافینین یعنی اورتا شرقین بو ایکی قات ایستاندارددان بیر نئچه باخیمدان تاثیرلندیگینی شخصاً یاشایاراق گؤروروک.

پرینسیپی و ایکیلی ایستانداردلی بیر ایقلیمده تورکیه نیسبیلیک داها چوخ چتینلیک چکیر. بو وضعیته عصیان ائتدیگی آندا دا اونا بو قارشی چیخیشینین اوزینی اؤدتدیرمک ایستهین بیر اتفاق وار.

بو گون سوریهده ایران، روسیه، آمریکا، آلمان، فرانسه، چین و پ.ک.ک اتفاق حالیندادیرلار.

تورکیهیه کیندارلیق اوچون بیر آرایا گلمیشلر دئییلسه سهو اولماز.

از جمله گؤرولور کی اینسانی اینسان ائدن دگرلر دئییل، عکسینه اینسانی اؤز وارلیغیندان اوزاقلاشدیران منفعتلر بو جوغرافیادا حاکملر.

بو وضعیته عصیان ائتمک و دییشدیرمک اوچون آتیلان هر آددیمی بوغان بیر سیستم وار.

او حالدا اینسانا یؤنلیک بیر پروژه حاضرلاماق لازیمدیر.

--------

دوشونجه دییشمدیگی سورهجه گوندهلیک حیاتداکی پراکتیکلری دییشمهسی قالیجی بیر چئوریلمهسی اؤزو گتیرمز، گتیره بیلمز.

بیلگی سوسیولوژیسی، بیلگی سیستمی، بیلگی نوعو ایله جمعیت آراسینداکی علاقهنی آراشدیریر. بو موضوعداکی مشهور گؤروش بیلگی سیستمینین گئدهرک اینسانلاردا بیر کاراکتره چئوریلدیگی ایستیقامتیندهدیر.

محمد البوعزیزینین اؤلوموندن بو یانا هر کس قورولاجاق اولان یئنی سیستمین ایچینده نه قدر وار اولا موباریزهسینی وئرمکدهدیر.

دونیانین خاریجی سیاست سیستمینین اساس پرینسیپی دانیشیلان ایله تطبیق اولونان بیر-بیریندن تامامیله فرقلی اولماسیدیر.

بو وضعیت بو آن یاشادیغیمیز بیر چوخ اینسانی درامین اساس سببلریندن بیریدیر.

بونا اعتراض ائتمک تمل بیر اینسانی وظیفهدیر.

"دونیا بئشدن بؤیوکدور" جملهسی اثاسیندا بو مئکانیزمه اعتراضدیر.

بو اعتراضین بیر اوزینین ده اولدوغو بیلینمکدهدیر.

بو گون ترور حرکتلری ایله بو دوروشدا امتناع ائتدیرمک ایستهین بیر گیزلی ال وار سانکی.

لاکین بو سیستم ایشلمیر و یئنی بیر دونیا قورولور.

اسکی سیستمی قوروماق ایستهین ایستاتوکوجولار ایله یئنی بیر دونیانین قورولماسینی ایستهینلر آراسیندا چیخان ساواشین سیمتریسی تورکیهده ده یاشانیر.

تورکیه کئچمیشدن بری بو موضوعلاری اؤزونه درد ائدن بیر اجتماعی حساسلیغی مالیکدیر.

بو حساسلیغین بیر سیستمه چئوریلمه پوتانسیلینه مالیکدیر.

یئنی تورکیه، صاحب اولدوغو بو اجتماعی حساسلیغی سیاسی بیر پروژه چئویریب رهبرلیگه عکس اولونماسینی تامین هدفیندهدیر.

تورکیه صاحب اولدوغو بو یئنیلنمه سیاستی و تلاشلاری سایهسینده البوعزیزی ایله باشلایان بو دییشمهلردن منفی بیر شکیلده تاثیرلنممکدهدیر.

گلهجکده ده یاشانا بیلهجک اولان باشقا منفی حاللارین دا قارشیسینی ایندیدن کسهبیلهجک بیر سیستمین قورولما خیالینی قورماقدادیر.

تورکیهنین یوخوسو بو جوغرافیانی بیر عدالت آداسی حالینا گتیرمکدیر.

آسان اولمایاجاق البته بو خیالین رئاللاشماسی.

فرقلیلیکلرین بیر آرادا باریش و قارداشلیق ایچینده یاشادیغی بیر اؤلکه اولماق اوچون چالیشماقدادیر.

بو گون جوغرافیامیزدا سون درجه اهمیتلی و گئنیش احاطهلی دییشیکلیکلر یاشانماقدادیر. بو سورج، تورکیهنین بو جوغرافیادا بیر گلهجک زامان آکتورو حالینا گتیرمهسی اوچون سون درجه کریتیکدیر.

----

ییلدیریم بیازیت اونیورسیتهسی اینسان و توپلومبیلیملری فاکولتهسی سوسیولوژی حیسهسی معلم پروفسور دوکتور مظاهر باغلینین قیمتلندیرمهسینی تقدیم ائتدیک ..